fûc
fûc
[FO]
-
s.m.
complès di efiets di calôr e di lûs, produsûts di alc che al bruse:
al ardeve sul fogolâr là sù insom un biel fûc, e a jerin intorji une sdrumie di lôr su cjadreis, cjadreons e scagnuts (Meni Ucel, Rosaris);
intant vignît ca, sentaitsi dongje il fûc a cjapâ une cjalde (Luigi Gortani, La ospitalitât);
Zuan, cussì, si jere sfrancjât e dispatussât ben sui segrets di une fornâs e il fûc lu veve in confidence (Maria Forte, La tiere di Lansing);
no vevin ancjemò tacât a impiâ il fûc tal spolert, e al jere un frêt plen di umiditât, che al penetrave tai vues (Carlo Sgorlon, Il dolfin)
Cfr. bore
, boreâl1
, stiç
, fum
, flame1
, cinise
, bampe
, vampe
, impiâ
, inviulâ
, piâ
, invistî
, vistî
, disvistî
, componi
, soflâ
, saborâ
, stiçâ
, sboreâ
, distudâ
, murî
, sflamiâ
, pignarûl
, brusâ
-
s.m.
[CO]
fameis, une volte ancje tant che unitât contributive:
tal borc a jerin dodis cjasis, dodis fûcs, e ducj cun cualchi secul di vite disgotade dì par dì in chel cjantonut dal mont (Pieri Menis, Sot il puarti)
-
s.m.
il brusâ violent e slargjât di un lûc, di un bosc e v.i.:
l'an passât che al à trat saete su la stale di Beltram, o jerin in cuatri a parâ il fûc cul seglot (Josef Marchet, Lis predicjis dal muini);
chês faliscjis li tai forments sul seselâ… parmìs dai toblâts, pai fens… Divuardi un fûc! (Dino Virgili, La aghe da pît la cleve)
Sin. incendi
-
s.m.
pont par meti a scjaldâ une cite sul gas tun fornel di cusine:
une cusine di trê fûcs e une lastre eletriche;
cuant che [il rîs] al è cuet, gjavâ dal fûc e cuinçâ cuntun riç di spongje e une grampe di formadi gratât (Giorgio Pascoli, Il Litum: jerbis salvadiis te cusine)
-
s.m.
(fig.)
fuarte sensazion di cjalt:
Rose si sintive a vignî rosse e nol bastave il fresc de sere a gjavâi il fûc che si sintive in muse (Roberto Ongaro, Il muc)
Sin. scalmane
, flame1
-
s.m.
(fig.)
sintiment o sensazion une vore fuarte:
jê lu cjalave cul fûc tai voi (Pieri Menis, Sul agâr);
al è trist cui che nol à fûc tal so sen e nol crôt (Ugo Pellis, Al mandolâr)
Sin. flame1
, passion
-
s.m., inter.
tai zûcs, peraule che si dopre par segnalâ la vicinance di une robe che i fruts a àn di cjatâ:
aghe… aghe… lusignutis… fûc! fûc! … cjatât!
-
s.m.
schirie di colps di armis di fûc:
bombis fissis tant che confets a gnocis; e nô propit li sot; […] il nestri tenent, che al jere un di chei che la vuere le veve fate, al à fat telegrafâ che se le finissin bon, se no al ven jù lui. Alore, fermât il fûc, ducj indenant une altre volte (Alan Brusini, I ribei);
al jere ta la aghe cul gjeni a fâ il puint di len jenfri doi fûcs, che ducj a traevin li ret, talians e todescs (Alan Brusini, Come tai romançs)
-
s.m.
(fig.)
situazion vive, impiade, o ancje riscjose, pericolose, violente e v.i.:
[te prime vuere mondiâl] i furlans a forin ad ôr dal fûc e si lassarin convinci che ur tocjave murî par salvâ lis lôr cjasis (Francesc Placerean, Cuintristorie dal Friûl dal 1866 fint in dì di vuê)
-
s.m.
[TS]
ot.
pont dal as otic di une lint o di un spieli curvât li che i rais si incrosin
Sin. focus
-
s.m.
[TS]
gjeom.
pont dal plan di une coniche tâl che il rapuart jenfri la distance di ogni ponte de coniche e de diretorie al è costant
-
s.m.
[TS]
astrol.
trigon che al cjape dentri i segns zodiacâi di Sagjitari, Leon e Roc
-
s.m.
[TS]
gjeol.
pont li che, dentri de croste de Tiere, e partìs une scosse teluriche
Sin. focus
-
s.m.
[TS]
cristal.
dispersion di lûs blancje, che tal diamant e je une vore marcjade, che e prodûs un zûc cromatic une vore preseât
-
s.m.
[TS]
med.
centri prin di un procès patologjic
Sin. focus
-
s.m.
spec. tal pl., fusete che si fâs sclopâ tal cîl cun efiets dâts di particolârs preparazions e zontis chimichis, par fâ biel e par celebrâ fiestis:
e par dî il vêr, dut al è lât pulît: / l'è lât ben il convît, / i fûcs a perfezion; / la bande nazionâl propri benon (Pieri Çorut, Relazion de Viele);
dopo i fûcs, si mangje e si bêf… (Arturo Feruglio, Viaç a Vignesie)
Sin. fûc artificiâl
, fûc di artifici
-
grum di lens che si tire sù e si bruse par ciertis ocasion di fieste, par es. pe Pifanie:
a son mil e mil agns che ae Pifanie a impiin i fûcs sul cuel par sclarî la strade ai Remagjos (Dino Virgili, La aghe da pît la cleve)
Sin. pignarûl
, panevin
, foghere
, fogaron
, fogarice
Polirematichis e espressions idiomatichis
Proverbis:
- a brusâ lens verts, si fâs fum e no fûc
- a fûc là che al fume, a messe là che al sune
- aghe lontane no distude fûc
- cuant che al burle il fûc, o forescj o regâi o peteçs
- cuant che al busine il fûc, forescj in cjase
- cuant che il fûc al busine: o forescj o amîs a puartâ pueste
- cuntun len sôl no si fâs fûc
- da la aghe si cjape il pes, dal fûc nuie
- di une lusigne al nas un grant fûc
- dongje dal stran no stâ fâ fûc
- dulà che al è stât il fûc al reste odôr di brusadiç
- dulà che al è stât il fûc e reste la cinise
- dulà che al fume al è fûc
- dulà che tu viodis cinise tu disis che al è stât il fûc
- il çoc vieri al è chel che al ten dongje dal fûc
- il fûc al disfe la glace
- il fûc al è mieze compagnie
- il fûc al è une seconde compagnie
- il fûc fin che al è sclâf al è biel e bon, ma vuai a lassâlu deventâ paron
- il fum si viôt dulà che a fasin fûc
- il fûs cuant che al cole al zure il vêr
- l'amôr, il fûc e la tos prest si cognòs
- l'aur si provilu tal fûc, la amistât te necessitât
- l'Invier al fûc, l'Istât a la ombre
- la aghe e il fûc a stan in pôc lûc
- la aghe in bocje a distude il fûc
- la stope dongje dal fûc si impie
- Nadâl al zûc e Pasche dongje dal fûc
- no stâ meti la paie dongje dal fûc
- nol è mai fûc che nol scjaldi cualchidun
- o cuete o crude il fûc le à viodude
- ogni cjamin il so fûc
- par distudâ il fûc ogni aghe e je buine
- se al busine il fûc: o forescj o contrescj
- un len sôl nol fâs fûc
- vin, aghe e fûc a son bogns, se no si ju lasse deventâ parons