stiç
stiç
[AF]
-
s.m.
stec che al tache a brusâ, che al bruse, che al è in bore o che al à finît di brusâ:
lui al va sul fogolâr, i treme la man, al pare in bande i stiçs cu lis molecjis, al cîr fûr une borone (Dolfo Zorzut, La furlane);
nol jere restât che un pugn di cinise e doi o trê stiçs (Pieri Menis, Lis leiendis di Buie)
Sin. tofet
-
s.m.
(fam.)
spagnolet o zigar:
al contave i grums di panolis e i côi di fen e i zeis di ue dai vignâi, cuntun stiç di zigar in bande de bocje (Dino Virgili, La aghe da pît la cleve)
-
s.m.
dome sing., odôr o savôr di brusât:
il cogo si indurmidìs e tes pagjelis dut al cjape di stiç (Andreina Nicoloso Ciceri, La fie e la fiastre - Racconti popolari friulani I);
un sporc, une peste di lisp e di stiç di fâ gomit (Alan Brusini, Amîs come prime)
Sin. brusât
, fum
-
s.m.
(fig.)
situazion di pericul o che e fâs suspietâ alc di brut:
lu cjapin des sôs bandis che al ven jù de montagne e nol à documents, une robe che ai Todescs ur puce di stiç tant di calcolâlu partigjan (Ivano Urli, Storie di Min);
[tancj fassiscj] a sintivin la puce di stiç e tancj di lôr a cirivin di svuincâse (Roberto Ongaro, Il muc)
Sin. brusât
-
s.m.
(fig.)
rabie, soredut se ven par vie di une provocazion, o provocazion fate par fâ rabie:
a cui che i domandave par meti stiç: "Us fasie il jet vuestre brût?" Jê e rispuindeve: "E la vuestre us al fasie?" (Maria Forte, La cotule di none Betilde)
Sin. stice
, rabie
, bruseghin
Polirematichis e espressions idiomatichis
Proverbis:
- a son piês i stiçs che no lis boris
- a son plui i stiçs che no lis boris
- i stiçs a son piês des boris
- nol è stiç che nol dei fum