invistî
in|vis|tî
[AF]
-
v.tr.
dâ cun solenitât un titul, une dignitât, une incarghe, une autoritât e v.i.:
inte Ete di Mieç i vassai a jerin invistîts dal re intun rapuart di reciproche fedeltât (Fabian Ros, La invenzion dal stât);
[sant Marc] al varès invistît Ermacure tant che prin vescul [di Aquilee] (Bepi Agostinis, Storie de art in Friûl)
Var. investî
, inviestî
-
v.tr.
[AF, TS]
econ.
(ancje ass.)
impleâ un capitâl in maniere che al rindi:
al veve tacât a invistî plui che al podeve, cirint di fâ sù bêçs plui che al rivave (Davide Peressoni, Il plui siôr dal imperi)
-
[AF]
(fig.)
impegnâ une cualsisei risorse o fuarce, economiche ma ancje imateriâl, psicologjiche, sentimentâl e v.i., par rivâ a un risultât, ancje che nol sedi un tornecont economic:
[Petracco] si è sacrificât fint insom, invistint te lote [pe Universitât] dute la sô licuidazion di professôr (Luche Nazzi, Centenari di un grant furlan);
invistî timp e fuarcis intun progjet
-
v.tr.
[TS]
becj.
meti intun budiel naturâl o artificiâl la cjar, soredut di purcit, masanade, cuinçade cun droghis e v.i., par fâ salams, luianiis e v.i.
Sin. insacâ
-
v.tr.
[BF]
(ancje fig.)
cjapâ a plen cuntun impat o rivâ parsore:
a pene vierte la puartute dal garage une grande masse di aghe lu invistì (Checo Tam, La cjase);
Jone cu la sô barcje al fo invistût di une onde (Angelo Floramo, An 998: "Mil e mai plui mil" al devente cuasi vêr);
i colps no si sintivin però si viodevin dai lamps invistî la tiere li dongje (Checo Tam, Fantasimis a Sant Martin)
Sin. cjapâ sot