impiâ
im|pi|â
[FO]
-
v.tr.
fâ che alc al cjapi fûc:
Rose e suspire e si prepare a impiâ il fûc par fâ di cene (Pieri Somede dai Marcs, Vilie di Nadâl (teatri));
al veve za impiât il fogolâr, ma no pal frêt, che no sarès stade ancjemò ore, ma par vê compagnie (Roberto Ongaro, Cretevierte);
al impià un spagnolet e al soflà in alt il fum (Dino Virgili, La aghe da pît la cleve)
Sin. piâ
, inviulâ
-
v.tr.
fâ che alc, massime un mecanisim cuntun motôr o che al prodûs lûs, si meti in vore:
intun salt al jere za te machine, le veve impiade e al jere partît di buride (Antescûr, L'om misteriôs);
tal vagon e jere pocje lûs e lui nol veve volût impiâ il lusôr eletric par no dismovi un vieli che al durmive (Agnul di Spere, Chê dì che al neveà a Vignesie)
Sin. ativâ
, inviâ
, meti in vore
, piâ
, tacâ
-
v.tr.
(fig.)
meti in agjitazion, in bulidure:
messaçs che ducj i sienziâts di sintiment e il Pape a continuin a mandâ par tentâ di dismovi e di impiâ la pacjifiche ribelion de umanitât cuintri lis armis (Riedo Pup, I furlans e il disarmo);
in paîs al veve sintût un mieç discors su di lui che al veve impiât ancjemò di plui la sô curiositât (Carlo Sgorlon, Prime di sere)
Sin. animâ
, ardi
, brusâ
, conturbâ
, discjadenâ
, esaltâ
, imboreâ
, incendiâ
, inflamâ
, intiziâ
, movi
, saborâ
, sboreâ
, scalmanâ
, scjaldâ
, scombuiâ
, tiziâ
-
v.tr.
(fig.)
jemplâ di lûs:
jê, involuçade di un rai di soreli che a i impiave i cjavei indorâts, e jentrâ, lu saludà (Fabian Ros, Eivissa mon amour);
intant al cjalave il cîl; chel cîl che al impiave simpri i siei voi (Maria Forte, Il vivi al è chel rangjâsi)
Sin. iluminâ
, slusorâ
-
v.tr.
(fig.)
fâ deventâ ros come il fûc:
«No sai scrivi» e rispuindè e un ros lizêr i impià la muse (Maria Forte, La tiere di Lansing)
Sin. inflamâ
, piâ
-
v.tr.
(fig.)
vierzi un contrat, spec. di sigurazion o di prestit:
chel cjaviestri di nevôt, lant vie pes Americhis, dopo vê impiade la ultime ipoteche su la robe, i veve lassade li [la viele contesse], sul cjadreon tant che un vieri catan (Alan Brusini, Il colôr dal marcjât)
Proverbis:
- a Sant Micêl il marangon al impie il pavêr, a Sant Josef lu distude