ativâ
a|ti|vâ
[CO]
-
v.tr.
fâ che alc o cdn. al sedi atîf, al tachi une cierte azion:
il lavôr dai sienziâts al à un sens di conservazion archeologjiche, indulà che il scritôr al ûl invezit ativâ une sostanzie poetiche che si cjate a sei te vite dal popul (Alviero Negro, Aiar de Basse);
e ven fûr la volontât di ativâ une rêt che e meti adun istituzions scolastichis e realtâts dal teritori tant che Comuns, Provinciis e associazions (Roberta Melchior, Scuele plurilengâl: l'an dal esordi)
Sin. inviâ
, meti in vore
Cfr. tacâ
, piâ
, impiâ
-
v.tr.
[TS]
chim.
fâ deventâ ativis lis moleculis di un sisteme
-
fâ che un element al emeti radiazions