ardi
ar|di
[AF]
-
v.tr.
fâ che alc al vegni cjapât dal fûc, par scjaldâsi, par fâ di mangjâ, par distruzi, par ritualitâts e v.i.:
o ai viodût par agns e agns, tal bearç dal Ros Blasut, il plui biel cocolâr di dute la Furlanie; e une sere o soi passât e nol jere plui nuie, che il folc lu veve ardût (Josef Marchet, Lis predicjis dal muini)
Sin. brusâ
-
(fig.)
produsi un efiet che al somee chel dal fûc:
une sêt di murî le ardeve (Dino Virgili, La aghe da pît la cleve)
-
v.intr.
jessi cjapât des flamis e distrut dal fûc, fasint lûs e calôr:
il çoc tal fogolâr al ardeve ancjemò, aben che al fos pes ultimis (Roberto Ongaro, Cretevierte);
Meni al è muart; noaltris ducj ferîts. Sant Zuan al art. I Turcs a vegnin ca (Pier Paolo Pasolini, I Turcs tal Friûl)
Sin. brusâsi
, brusâ
-
(estens.)
jessi impiât e fâ lûs, ancje cence fûc:
la lampadine che e ardeve denant de Madone su la scjale e mandave dentri un filut di lûs (Pieri Menis, Nadâl ancje par Gjelmin)
-
(fig.)
vê il colôr o l'aspiet dal fûc:
il cîl a mont, ros imbuît, al ardeve inmò (Dino Virgili, La aghe da pît la cleve)
-
v.intr.
(fig.)
scotâ di fiere:
siore Marceline si veve sierât tai braçs la picinine che e ardeve di fiere (Maria Forte, Cjase di Dalban)
Sin. boli
, sbrovâ
, brusâ
-
v.intr.
(fig.)
sintî un sintiment o une sensazion une vore a fuart:
chê cjase e pareve destinade a ardi di dutis lis passions (Maria Forte, Cjase di Dalban)
Sin. brusâ
-
v.intr.
(fig.)
di sintiment o di sensazion, vê une vore di fuarce:
sot de fote di Tilde al ardeve il stes pinsîr e al imboreçave ancjemò di plui il so riviel (Gianni Gregoricchio, Trê feminis);
il sium de aventure, che […] e sintive ardi e brusâ sot de piel (Angelo Floramo, Cecilia Danieli, la "Siore dal Açâl" cul lavôr tant che passion)
Sin. brusâ
-
di cualsisei robe o fenomen, vê vite e fuarce:
une lenghe che e art tai nestris cûrs (Oscar Puntel, Voie di capî)
Proverbis:
- la lum no art cence vueli
- la lûs no art cence vueli
- sot de cinise e art la bore
