sbrovâ  sbro|vâ  [CO]

  1. v.tr. scotâ cun aghe bulinte o cuntun altri licuit cjalt:  par gjavâi la ponte di salvadi des jerbis, sbrovâ lis verduris par doi minûts (Giorgio Pascoli, Il Litum: jerbis salvadiis te cusine); al veve fat un salt scuasi che lu vessin sbrovât (Gianni Gregoricchio, Îr e doman)
    Sin. sboentâ
    Var. brovâ
    Cfr. scotâ
    1. v.tr., v.intr. de aghe o di un altri licuit o di robe di mangjâ, vê une temperadure alte:  al veve poiadis sul plat lis fetis di polente che e sbrovave e, parsore, scaiis di formadi (Alan Brusini, Gian Paolo Linda, I forescj)
  2. v.tr., v.intr. ancje di alc di no licuit vê une temperadure alte o dâ une sensazion di calôr fuart:  sot il soreli che al sbrovave la medole dai vues (Pieri Piçul, Vieri e gnûf); a jerin veturis che si cueievin tal soreli, i lamarins a sbrovavin tai lôr colôrs (Agnul di Spere, Vivi a Codroip)
    Sin. scotâ
  3. v.tr. (fig.) dî di corse, ancje pronunziant in maniere pôc clare:  a pene rivade sul plaçâl di Sant Martin, e slungjave la man viers dal cimitieri come a sbrovâ une recuie (Antoni Beline, Un Diu dai vîfs, no dai muarts)
    Sin. sbrovâ sù