sboentâ
sbo|en|tâ
[CO]
-
v.tr.
cuei par pôc timp in aghe bulinte o scotâ cu la aghe bulinte:
al lavorava intor da gjalinis. In soma i tirava al cuel, lis sboentava, lis spelava (Lussia di Uanis, Mariuta saludilu che al va)
Sin. sbrovâ
, boentâ
-
v.tr.
(ancje ass.)
scjaldâ une vore:
al sta par finî il mês di Jugn e il soreli al sboente (Dolfo Zorzut, I papavars);
lis zornadis lungjis e cjaldis a sboentavin il bosc che no i bastave la gnot par ripiâsi di dut chel soreli (Roberto Ongaro, Il pecjât di Mosè)
Sin. scotâ
, sbrovâ
, boentâ
-
v.tr.
(fig.)
scjaldâ di ecitazion, passion, rabie e v.i.:
cun trê peraulis mi à sboentât il cûr (Michele Calligaris, Te vuate)
Sin. scjaldâ
, impiâ
, infogâ
, boentâ
-
v.intr.
jessi scjaldât une vore:
une striche di glerie crote che e slusive sboentant tal soreli (Dino Virgili, La aghe da pît la cleve)
Sin. scotâ
, brusâ
, boentâ