brusâsi
bru|sâ|si
[AF]
-
v.pron.tr.
brusâ alc di se stes o brusâ alc cun sens di reciprocitât, viôt brusâ
:
forsit la etât plui madurote ur à insegnât che al torne cont, par no brusâsilis ceis, tignî il cerneli vuardât dal masse soreli! (Josef Marchet, Cjalâ plui inlà);
bêf un tocai, une sgnape, pariti jù une bugade di cjanaipe, ma no stâ brusâti il çurviel cun miardis tant che il snaitul o il budiesac (Stiefin Morat, Donald dal Tiliment)
-
v.pron.intr.
jessi cjapât dal fûc:
al jere fûc. Une cjase si brusave e il sflandôr signestri al trimave par aiar fintremai tai balcons de Cleve (Dino Virgili, La aghe da pît la cleve);
a no è justa, no, che dut a vedi di brusâsi e sparî ta chistu puôr paîs cristian (Pier Paolo Pasolini, I Turcs tal Friûl);
il midili al oleve dret, fuart, vert, di no ardi denant che a finissin di brusâsi lis fratis (Meni Ucel, Pignarûi di une volte)
Sin. ardi
, brusâ
-
v.pron.intr.
dal mangjâ, ruvinâsi par vie dal stâ masse sul fûc, dal cuei masse:
tu intant ten a ments il tocj che no si brusi (Zuan Nazzi Matalon, Ottorino Burelli, Sacheburache)
-
ancje di padielis, citis e v.i., ruvinâsi par jessi stadis masse sul fûc:
la coguma a rivava ogni tant a brusâsi e a pierdi il fonts (Novella Cantarutti, Cemont che a erin)
-
v.pron.intr.
di une lampadine o di un dispositîf eletric, no funzionâ plui par vie dal fruiâsi e dal rompisi de resistence o di cualchi circuit che a rivin a une temperadure masse alte:
o varai di meti a puest chel maledet implant eletric parcè che, viodistu, cjâr Oglala, cuant che o sistemi i fîi a son simpri che si brusin (Checo Tam, Random 1);
[la lûs] za flapute di sio a zeve e vignive e las lampadines ai si brusave (Gianni Colledani, Fiat lux…)
-
v.pron.intr.
cjapâ une scotade, pal fûc, par alc une vore cjalt o ancje par stâ tal soreli:
no mi va di lâ a lis Canariis o a Ibiza, a brusâmi tal savalon (Checo Tam, La maree nere)
Sin. ustionâsi
, scotâsi
Cfr. brustulâsi
-
v.pron.intr.
secjâsi par vie dal cjalt o dal frêt:
cuvierzi lis plantis par che no si brusin cu la zulugne
Sin. secjâsi
Proverbis:
- dulà che al fume alc si bruse