Dizionari de Lenghe Furlane

dreçâ  dre|çâ  [FO]

1. v.tr. fâ stâ dret o fâ jessi o fâ tornâ a jessi dret:  si jere puartât daûr i imprescj e al veve dreçât i cancars come che al veve podût, che almancul chês dôs puaretis si parassin de tramontane (Raffaele Serafini, Altris contis di famee); dreçâ cul martiel un fier (Ivano Urli, La gnove stazion)
   Sin. indreçâ
   
   1. tignî alte o in tension une part dal cuarp:  [il gjat] al gnaulave dreçant la code (Alan Brusini, Come tai romançs); [il cjan] imobil, al drece lis orelis e al spiete il paron (Cristina Noacco, Faliscjis); dut intun moment Tilde e dreçà il cjâf (Gianni Gregoricchio, Trê feminis)
      Cfr. tirâ sù , alçâ , distirâ , tirâ , spiçâ
   2. fâ jessi dret, regolâr, vualîf:  al pareve che a vessin cjapât gust a voltâ e a savoltâ chê tiere malandrete, a dreçâ rivâi, a jemplâ fossâi, a boscâ (Pieri Menis, Agne Ursule)
2. v.tr. voltâ alc viers un ciert pont:  ma che vadi ben o mâl, / jo intant dreci il canocjâl / e culì stant sul balcon / moli fûr la predizion (Pieri Çorut, Pronostic del Strolic piçul par l'an 1866); e drece un dêt in direzion de mê muse: «Bausâr», mi dîs, «bausarat! Vele li la bausie che i cor jù pal nâs!» (Meni Ucel, Africhis); alore al dreçave i voi viers di me. "Bundì, professôr, no lu vevi viodût" (Alan Brusini, Gian Paolo Linda, I forescj)
   Sin. condusi , instradâ , inviâ , mandâ , orientâ , puartâ , rivolzi , scuarzi , indreçâ
3. v.tr. (fig.) mandâ a un destinatari peraulis, discors o ancje dome il pinsîr:  la robe plui juste di fâ e jere propit chê di dreçâ la peraule a cualchidun e di fâsi segnâ la strade (Franca Mainardis, Grivôr)
   Sin. destinâ , voltâ , indreçâ
4. v.tr. tirâ sù in mût che al stedi in verticâl:  o ai viodût a colâ jù a plomp, par denant, une statue di arzile. Un disastro! Cuant che il scultôr mortificât al tornà a dreçâle impins, lis gjambis a jerin dutis butadis (Pieri Menis, Cui si jerial impaçât cun Modestute?)
   Sin. alçâ sù , tirâ sù
   
   1. fâ sù une costruzion o un toc di costruzion:  ti àn fat un slambri tal mûr, e po dopo a àn dreçât di gnûf, tal puest di une volte, il clapon scuadrât a maçûl (Pieri Menis, La int)
      Sin. fâ sù , alçâ sù , tirâ sù , edificâ , costruî
5. v.tr. (fig.) fâ in maniere che alc o cdn. al ledi miôr, che al stedi miôr e v.i.:  a fâ il mistîr del oseladôr e cjapin inte anade dai biei bêçs in cualchi paîs, ma al è râr il câs che chei bêçs e vedin dreçade nissune famee (Catarine Percude, L'oseladôr); il Friûl se no si lu drece noaltris, nol è pericul che nissun altri si scomponi a dreçâlu (Josef Marchet, Preambul rusin)
   Sin. justâ , sestâ , comedâ , regolâ
   
   1. fâ in maniere che cdn. o alc al ledi par une buine strade:  al è mût e mût di dreçâ i fîs pal lôr miôr (Maria Forte, Cjase di Dalban)
6. v.intr. viôt dreçâsi :  «Po joisus, galantom! Si vêso fat trop mâl?» e domande la massarie, e si sbasse jù e i spuarç la man par judâlu a dreçâ in pîts (Giovanni Gortani, Sot consei di vuere)

Polirematichis e espressions idiomatichis

• dreçâ lis orelis loc.v.
• fâ dreçâ i cjavei loc.v.
• fâ dreçâ i cjavei sul cjâf loc.v.
• fâ dreçâ il pêl loc.v.

Proverbis:

• a freâi la schene al gjat, al drece la code
• dreçâ l'arbul fin che al è zovin
• freii la schene al gjat che al dreçarà la code
• la femine savie e drece la cjase e la mate le strucje