dreçâsi
dre|çâ|si
[AF]
-
v.pron.tr.
dreçâ alc par se stes, alc di se stes, che si à intor e v.i., viôt dreçâ
:
dreçantsi il chepì cu la visiere, spacantsi la gjachete poçolade di smîr e di pantan, al diseve […]: «Co e vûl e vûl, par la madone!» (Alan Brusini, Come tai romançs)
-
v.pron.intr.
metisi dret, stâ dret, insù:
si metè sul atenti; si dreçà; al alçà il cjâf al tirà il cuel tant che un gjal sul cricâ dì cuant che al sta par cjantâ (Meni Ucel, Il discors);
i cjavei a scomencin a dreçâsi sot la canute, lis gjambis mi fasin jacum (Arturo Feruglio, Viaç a Vignesie);
la jerbe tabiade dai curiôs sot il soreli e tornave a dreçâsi, (Pieri Menis, Chei di Muraie)
Sin. jevâ
, jevâsi
, tirâsi sù
, stâ sù
-
v.pron.intr.
vê une estension in alt o stâ adalt:
la cjase si drece sore un prât prime dal bosc (Alan Brusini, Gian Paolo Linda, I forescj)
Sin. imponisi
, imponi
, jevâ
, jevâsi
, dominâ
, spicâ
, dâ sù
, vignî sù
-
v.pron.intr.
cjapâ une cierte direzion o zirâsi di une cierte bande, viôt indreçâsi
Sin. indreçâsi
, zirâsi
, voltâsi
-
v.pron.intr.
fevelâ o scrivi a cdn. in particolâr:
dreçâsi a un orghin judiziari internazionâl par delimitâ il confin maritim (Tjaša Gruden, Spionaç e scandui a frenin la soluzion dai problemis di confin tra Slovenie e Cravuazie)
-
v.pron.intr.
(fig.)
tornâ a cjapâ fuarce, salût, autoritât e v.i.:
i cjastelans a si jerin pleâts cu la intenzion di tornâ a dreçâsi subite che al fos stât pussibil (Josef Marchet, Cuintristorie dal Friûl fin sot la Italie)
-
v.pron.intr.
(fig.)
tornâ a lâ ben o a compuartâsi ben o a fâ alc just e v.i.:
la situazion invezit di dreçâsi e stave lant simpri piês (Fabian Ros, Un piçul particolâr);
o sint une grant contentece par vie che il mont finalmentri al comence a dreçâsi (Arturo Feruglio, El lunis di Titute Lalele)
Sin. corezisi
, mendâsi
, raviodisi
, justâsi