indreçâsi
in|dre|çâ|si
[AF]
-
v.pron.intr.
deventâ dret o metisi dret:
sbrissâ, e finî cu lis gjambis fra i jenfris dai lens fin al cavalot e la cassele des bombis che e rive sul cjâf, vincjecinc chilos, e po indreçâsi e inmò indenant (Alan Brusini, I ribei);
la vous a passà di un cjamp in chel âtri: li scheni pleadi a si indreçarin una a la volta e al fo pai cjamps svuangjâts dut un busineç (Novella Cantarutti, Il Bolp)
Sin. dreçâsi
, tirâsi sù
-
v.pron.intr.
lâ di une cierte bande, lâ daûr di une cierte direzion o vê une disposizion che e da di une cierte bande:
la Argjentine di Peron e vierzè lis puartis. Dal '45 al '52 i furlans si indreçarin di chê bande (Francesc Placerean, Cuintristorie dal Friûl dal 1866 fint in dì di vuê);
pôc prin des sîs mi indreci viers la stazion (Janez Erat, Ej Jackson)
Sin. tirâ
, lâ
-
lâ viers un ciert obietîf:
daspò de lauree a Turin, al somee indreçâsi ae cariere universitarie a Rome (Donato Toffoli, Il lunari mai jessût - Tellini te prime vuere mondiâl)
-
jessi fat par otignî un ciert obietîf o par rivâ a un ciert public:
i centris [vacancis] si indrecin ai fruts de scuele primarie e ai arlêfs des secondariis di prin grât (Erika Adami, La musiche e jude il furlan)
-
v.pron.intr.
lâ li di cdn., domandâi alc, spec. par vê indaûr jutori o un consei:
pe mangjative dai talians, si indrecisi al vojnik che al vignarès a stâi il capopaîs (Ivano Urli, Storie di Min);
il fumadôr che al vûl molâ al pues fevelâ cul miedi di famee o indreçâsi a un ambulatori di specialiscj che lu judaran (Guglielmo Pitzalis, Stude i spagnolets!)
-
v.pron.intr.
fevelâi a cdn.:
"A mi - dissè la frute - une bisteche di 90 e un côl di patatis rustidis par ca […]" "Ah - dissal l'ostîr slargjant i voi e indreçantsi al gjornalist - o viôt che sô fie e à la sgnocule" (Fabian Ros, Il lôf)
-
v.pron.tr.
cun sens di reciprocitât, viôt indreçâ