scuarzi  scuar|zi  [CO]

  1. v.tr. puartâ, compagnâ cdn. intun puest:  la Madone benedete par paùre dal Re Erode e scjampave in Egjit. [...] Sant Josef la scuarzeve viars il confin dal puar paîs (Catarine Percude, La maledizion dei luvins)
    Sin. puartâ , compagnâ , menâ
  2. v.tr. dâ, soredut alc in soreplui o in regâl o di caritât:  il Bulo lu strighiave ogni dì [il cjaval], i scuarzeve simpri alc di bon (Maria Forte, Il Bulo di Crodio); jê e veve dome di ringraciâ ducj par chel pugn di farine che i scuarzevin su la puarte (Pieri Somede dai Marcs, Caritât); il vecju Murac al era cussì tegnous che a nal varès scuarzût un ruf di polenta a un muribont (Novella Cantarutti, I voi di Miriscja)
    Sin. dâ , molâ , slungjâ