Dizionari de Lenghe Furlane

trucâ¹  tru|câ  [CO]

1. v.tr. bati, dâ un colp a alc o a cdn., in gjenar in maniere lizere, ancje ripetude:  par rivâ sul balcon, le veve trucade sence volê. Jê e veve vût un scjas (Gianni Gregoricchio, Lilie); lui i cisiche ta la orele, / la truche cul comodon (Francesca Marini Barnaba, La file); truchìn lis tacis, ducj in ligrie: / e ce meracul che fâs la vît! / Tignint la boce par companie, / mai no ven la ore di… tirâ il pît! (Toni Deluisa, Fasìn un brindis!)
   Sin. pocâ , urtâ , petâ , bati , stossâ , stocâ² , trussâ , colpî
   
   1. v.tr., v.intr. bati o lâ a bati ancje cun fuarce:  colant e truche il cjâf tune cjadree (Carlo Tolazzi, La salamandrie tal fûc); al era cuiet coma un agnel. Ma ancja i agnei a truchin, ogni tant (Pieri Nonis, Don Candido: l'unto del Signore)
      Sin. petâ , sbati , dâ cuintri , pocâ , urtâ , lâ intor , bati , trussâ
2. v.tr. [CO] stuzigâ, provocâ:  tornait pûr, bambins cjârs, / tornait, se par chest viars / il vuestri diaul us truche! (Giuseppe Dondo, Il nestri alarme del 1848)
   Sin. stuzigâ , tirâ , sburtâ , tiziâ , uçâ , stiçâ , pocâ
3. v.tr. (ancje ass.) vê un rapuart sessuâl cun cdn.
   Sin. doprâ , montâ , taconâ , fotâ , sfotâ , guâ , spenzi , fracâ , futiçâ , foti , dâ di spente , cjalcjâ , çoçolâ , parâ sù , sburtâ , trussâ , dâ une guade , dâ une sdrondenade , dâ une remenade