stuzigâ
stu|zi|gâ
[CO]
-
v.tr.
fâ dispiets, cirî di fâ pierdi la pazience a cdn., di fâlu rabiâ:
stuf di cori, al polse il gjat, / cuant che i fruts po lu stuzighin, / ju sgrifigne e al fâs il mat (Jolanda Mazzon, Di là de rêt);
no i davin padin, a olevin fâlu sbrocâ, lu sponzevin a pueste, lu stuzigavin par fâlu invelegnâ (Eugjeni Marcuç, Liende a Sant Zuan)
Sin. stiçâ
, provocâ
, instiçâ
, intiziâ
-
v.tr.
(fig.)
fâ nassi o cressi une reazion, un sintiment, un fenomen, un pinsîr, un contrast e v.i., soredut cuntun pocje di malizie:
le à fate ridi e al à stuzigade la sô vanitât (Gianni Gregoricchio, Trê feminis);
e cjaminave cul sen infûr [...], tant di stuzigâju inmò di plui (Roberto Ongaro, Cretevierte)
Sin. ecitâ
, tirâ sù
, tiziâ
, saborâ
, sburtâ
, instiçâ
, movi
, dismovi
, uçâ
, imboreâ
, scjaldâ
, intiziâ
-
fâ vignî voie, desideri, ancje cence malizie:
lis vecjis cjartis ti stuzighin; ti fasin vignî voie di lâ ator pai cimitieris a cirî lis lapidis dai personaçs che a vegnin nomenâts tai diaris (Checo Tam, Sic transit gloria mundi)
-
v.tr.
tocjâ e tornâ a tocjâ plui voltis:
bel stussigant li mostacji, al levava i voi davour li gravi blancji, li clevi in dolç, i boscs (Novella Cantarutti, Il Bolp)
-
v.tr.
(fig., coloc.)
fâ funzionâ un machinari:
lu stuzighin cun cincuante francs / e lui cumò e dibot al glot monedis: / o stimi che nol tâs! (Alberto Picotti, Juke-box);
e jere une Guzzi Falcone dal '54: 500 cc, motôr a cuatri timps monocilindric, rosse e nere tant che il diaul. A savêle stuzigâ, e rivave fintremai a 130 km oraris (Antescûr, Il svol dal Falcone)