Dizionari de Lenghe Furlane

uçâ  u|çâ  [AF]

1. v.tr. fâ che il fîl di une lame al sedi plui fin e regolâr, che al tai miôr:  Min Smaiâr al le in persone a uçâ lis massanghis cjase par cjase (Riedo Pup, La invasion); un on vieli che uçava sora una muela a man una roncea (Federigo Comelli, Il me paîs)
   Sin. guâ , sfiliâ¹
   Cfr. spiçâ
2. v.tr. (fig.) sburtâ a fâ alc:  dulintor de spaltade, dulà che a corevin i cjavâi, sdrumis di int che e uçave i coridôrs e lis bestiis sberlant e batint lis mans (Pieri Menis, Une letare par Bepo); va fûr svelt, se no uci i cjans! (Dolfo Zorzut, Se tu âs un sac di pecjâts…)
   Sin. incitâ , sburtâ
3. v.tr. fâ deventâ plui fuart e incisîf alc, ancje di imateriâl:  il nestri temperament al è chel di prin o al po restâ chel di prin. O vin bisugne dome di uçâlu par che no nus al rosein a planc a planc (Francesc Placerean, La vite no je cuintriposizion di valôrs ma armonie di realtâts complementârs); si sint stuzigâ la fam che e uce il pitic, massime dai zovins, francs tal mangjâ (Ivano Urli, Storie di Vera)
   Sin. discjadenâ , infogâ , meti sù , pocâ , provocâ , riscjaldâ , sboreâ , sofletâ , stimolâ , stomblâ , stossâ , stuzigâ , tiziâ , saborâ , impiâ

Proverbis:

• ucii il cjan al lôf se tu vûs che no ti vegni cuintri