Dizionari de Lenghe Furlane

montâ  mon|tâ  [FO]

1. v.intr., v.tr. lâ sù:  al jere montât sul mûr lavorant di mans e di comedons e di pîts par olmâ ce che al jere di chê altre bande (Agnul di Spere, Il puint de ledre); Tite al monte sui scjalins e al jentre ta chê vile (Checo Tam, Vencul); co al ven scûr e la lune e monte tal cîl, a son inmò uciei che a cjantin (Alan Brusini, Mestris cjantôrs); Ulive e montà svelte la scjale par lâ adalt (Maria Forte, La tiere di Lansing)
   Sin. lâ sù , rimpinâsi , rimpinâsi sù
   
   1. v.intr., v.tr. (ancje ass.) lâ su la grope di un animâl, spec. di un cjaval:  i sassins par fâsi strade, si metevin a trai a mat, a montavin sui lôr cjavai e nissun plui ju viodeve (Alan Brusini, Come tai romançs); Leandri, une dì a buinore, al montà sul mûl e al partì par Aquilee (Roberto Ongaro, Cretevierte); che si rimpinàs sul troi dal vignâl, che e montàs a pêl un cjavalut cravuat che al jere une saete, Anute e jere une vision che lui al cjalave come une condane (Alan Brusini, Come tai romançs)
   2. v.intr. jentrâ intun mieç di traspuart:  a montarin in biciclete, e vie fin da pît de rive di Raspan (Carlo Sgorlon, Prime di sere); Pitin al montà su la coriere par lâ a Udin (Antoni Beline, Pre Pitin); intant, senza spietâ rispuesta, ripassava il puint, disleiava una barcja da la riva del flun, montava dentri, e clamava ancjamò una volta: «Barba, vignîso?» (Federigo Comelli, Il me paîs)
      Sin. lâ sù
2. v.tr. spec. di strade e v.i., jessi in rive sù:  la linie de ferade e scomençave a montâ tes culinis daûr de citât (Agnul di Spere, In viaç di domenie)
   Sin. lâ sù , rimontâ
3. v.intr. (fig.) di emozion, fâsi sintî a fuart:  a colp mi monte il futar di prime, ma une rabie di chês (Alan Brusini, Gian Paolo Linda, I forescj)
4. v.intr. tacâ a fâ un turni:  al veve durmît un pâr di oris prin di montâ in servizi e nol veve fat adore a scoltâ la radio (Agnul di Spere, In viaç di domenie)
5. v.tr. di animâl mascjo, vê un rapuart sessuâl cu la mascje:  puartâ il taur a montâ lis vacjis
   Sin. cuvierzi , fecondâ , jemplâ
   
   1. (pop., coloc.) ancje di om, vê un rapuart sessuâl
6. v.tr. meti tal lôr puest i tocs di alc o componi alc cun plui tocs:  Elio e Fiorello a stevin rimpinâts par tirâ sù i tocs [de antene] che a vignivin montâts parsore de vecje base (Max Mauro, Un Friûl difarent: i 90 mhz di Onde Furlane); il vieli [marangon] i mostrà un cassetin di montâ, e Eliseo al fasè la vore in mancul di mieze ore (Carlo Sgorlon, Prime di sere)
   Sin. dâ dongje , fâ , fâ sù , meti dongje , meti sù
7. v.tr. fâ sù in maniere artificiâl, sfuarçade, ancje disoneste:  al fo montât cuintri di lui un procès cu la acuse di vê tratignût une sume destinade a la difese di Osôf (Giovanni Pillinini, Zuan Batiste Cavedalis - Une vite esemplâr)
8. v.tr. [TS] cinem. fâ il montaç di un cine:  ducj i videos a vignivin pensâts, regjistrâts cu la piçule videocjamare numeriche/digjitâl e montâts su ordenadôr di bessôi (Fabian Ros, Interviste cun Giorgio Cantoni)
9. v.tr. sbati un o plui ingredients o sostancis in maniere che a cressin di volum:  montâ la clare cul zucar; montâ la pane
   Sin. bati , sbati
10. v.tr. (fig.) dâ masse impuartance a alc o a cdn.:  i gjornâi a àn montât un câs; a àn montât chel zuiadôr e al pense di jessi il miôr di ducj
    Sin. sglonfâ
11. v.tr. (fig.) stiçâ cdn. cuintri cdn. altri:  montâ la int cuintri dal guvier
    Sin. soflâ , meti sù , meti cuintri

Polirematichis e espressions idiomatichis

• montâ a pêl loc.v.
• montâ al cjâf loc.v.
• montâ in furôr loc.v.
• montâ in scagn loc.v.
• montâ la fumate loc.v.
• montâ la rabie loc.v.
• montâ sù loc.v.
• montâ su la cjadree loc.v.
• montâ tal cjâf loc.v.

Proverbis:

• la mierde che e monte in scagn o che e puce o che e fâs dam