rimpinâsi
rim|pi|nâ|si
[AF]
-
v.pron.intr.
lâ sù par alc che al è plui o mancul verticâl fasint fuarce sedi cui pîts che cu lis mans, o tal câs di une bestie doprant dutis lis çatis:
rimpinâsi par un mûr e saltâ jù di là tun rondolon (Dino Virgili, La aghe da pît la cleve);
i plui bulos, par rifâsi, intun moment si rimpinavin sul rôl par viodi plui lontan di nô (Lucio Perès, Messe a Sant Zuan);
a Pâl Piçul, si combateve rimpinantsi sui crets, tarombolantsi te nêf deventade rosse di sanc, semenade di muarts e di ferîts (Pieri Menis, Funerâl a Pâl Piçul)
Sin. inrimpinâsi
Var. rampinâsi
Cfr. scjalâ
-
v.pron.intr.
montâ su alc che al è adalt, in gjenar cjapantsi ancje cu lis mans:
si rimpinà su la carete e il mûl lu puartà a Glemone (Riedo Pup, I zimuluts dal Çuet)
Sin. inrimpinâsi
-
v.pron.intr.
di plantis, cressi cjapantsi tun mûr, tun sostegn o tune altre plante:
sù pe loze si rimpine une vît a piergule (Pieri Somede dai Marcs, Ursule);
sù pal cjanton dal casel si rimpinave un garofolâr (Dino Virgili, La aghe da pît la cleve)
Sin. inrimpinâsi
-
v.pron.intr.
lâ di rive sù, massime par une rive erte:
par rivâ là sù, dal Pas, si rimpinavisi par un canalon che al vignive jù come un slambri de «cupule» parsore vie e dulà che i secui a vevin ingrumât maseriis di claps. Li i alpins a vevin vierte une stradele (Pieri Menis, La vuere sul Freikofel);
"Il gno ronc al è là sù adalt - al veve dite Firmato. - O ti menarès, ma si scuen rimpinâsi a pît e il troi al è dut un pantan" (Gianni Gregoricchio, Îr e doman)
Sin. strissinâsi
, inrimpinâsi
-
ancje di alc di inanimât, vê une forme, une disposizion, un percors e v.i. che al va insù, che al tire sù:
cuissà se fûr si podarà viodi ancjemò alc: sì e no si rivarà a cucâ chês dôs filis di pomârs in flôr su la strade che si rimpine sù a Samardencje (Alan Brusini, Amîs come prime)
-
v.pron.intr.
(fig.)
fâ une cualsisei azion che e puedi corispuindi a alc che al covente par rivâ adalt:
[cjantant] si rimpinave pes notis plui che al podeve (Antoni Beline, Pre Pitin)
Sin. inrimpinâsi
-
v.pron.intr.
(fig.)
tacâsi a un pretest o a une scuse:
Triest nol po nancje rimpinâsi sù pai stocs de tradizion storiche, che Vignesie e cirive di tirâ in bal [par tignî sot il Friûl] (Josef Marchet, Sot di nissun)
Sin. inrimpinâsi
Proverbis:
- cui che al va di jutori, si rimpine pai baraçs
