rimontâ
ri|mon|tâ
[CO]
-
v.intr.
tornâ a montâ, tornâ a lâ sù:
al era rimontât in machina e al era zût a cjatâ un so barba (Nelso Tracanelli, Il pursit da la Ongjaria)
-
v.intr., v.tr.
vê un moviment o une direzion insù, ancje cence un sens di ripetizion:
il troi al rimonte la culine
-
movisi in direzion contrarie a chê di une aghe:
dopo Montevideo si rimonte il "Rio" che al à une bocje di dusinte chilometros e, in pocjis oris si rive a Buenos Aires (Vico Bressan, Cîl e aghe)
-
v.intr.
jessi di un timp passât:
dôs lapidis in ebraic che rimontin a plui di dusinte agns prime di Crist (Anonim, La storie dal Friûl);
a Risan e esist une gleseute di taviele dedicade ae Ss.me Trinitât. La sô fondazion e rimonte al an 1582 (Tarcisio Venuti, La glesie de Ss.me Trinitât a Risan)
-
v.intr., v.tr.
[CO, TS]
sport
tornâ a fâ ponts dopo di jessi stâts in disvantaç intune singule competizion o intune classifiche:
vie pe seconde frazion i parons di cjase a rimontin e a passin fintremai in vantaç (Marc Stolf, Lazio - Udinese 4-4)
-
v.tr.
tornâ a montâ, a meti dongje:
il sorestant dal machinari governatîf al à crodût ben di disfâlu par dâi une ripassade. Cumò, a fuarce di vitis, al è rivât adore di rimontâlu (Josef Marchet, La scrassigne)
-
v.tr.
(fig.)
tornâ a meti in fuarcis:
"Eco ca il bussul, siôr paron... chel ca lu rimonterà..." (Bepo Marion, Il liron di siôr Bortul)
-
superâ une malatie, un malstâ o ancje un moment negatîf:
un cjantonut in banda / magari sù in culina / o, parcè no, ancja al mâr / dulà che un pouc si podi / i malans rimontâ (Mie Filose, Scjafoiaç)