montâ sù
[AF]
-
loc.v.
lâ sù, adalt, a Nord e v.i.:
ancje il plevan Gjarlin, recuie, al jere di chê opinion: di butâlu fûr, se no altri par no viodilu dut sglovât e displumât di Setembar, cuant che la canaie e monte sù a cjoli i fîcs (Pieri Menis, Il fiâr dal plevan);
la lune grande e monte sù pal cîl a slargjâ un blancôr di lat su la campagne (Dino Virgili, La aghe da pît la cleve)
Sin. lâ sù
, rimpinâsi
, rimpinâsi sù
-
vê une direzion o une forme che e va insù:
un puint une vore alt, cui pilons di piere che a montavin sù dal flum (Carlo Sgorlon, Il dolfin);
na cjasa alta cu li scjali che a montin sù par four fin tuna stansia là sù in cima (Novella Cantarutti, Il maestri di teraçs)
-
(fig.)
rivâ o sucedi in maniere progressive:
aromai e montave sù la sere, e in cîl si slargjavin a planc nûi grîs e lizêrs (Carlo Sgorlon, Prime di sere)
-
loc.v.
comodâsi intun mieç di traspuart o parsore di une bestie:
i doi soldâts che lu cjaparin, dopo di vê padinât il cjan, lu menarin tal mieç dal prât e lu faserin montâ sù intun camion (Roberto Ongaro, Il muc);
a jerin montâts sù in machine (Raffaele Serafini, Contis sot spirt)
-
comodâsi tun puest, tun implant, tun sisteme fis o in moviment, ancje se nol è un mieç di traspuart:
e zire la gjostre! A montin sù fruts, frutis, fantatis; si rît e si bacane (Pieri Somede dai Marcs, La cavalarice)
-
loc.v.
lâ sù di impuartance, di jerarchie:
preparâsi il scjalin par montâ sù, doman, sui careghins da la aministrazion regjonâl (Josef Marchet, Sturm und Drang)
Components:
-
montâ
v.intr., v.tr.
-
sù
av., inter., s.m.inv., adi.inv.
