Dizionari de Lenghe Furlane

sclagn  sclagn  [AF]

1. adi., s.m. che, cui che al à pôc gras o ancje pôc muscul:  nô feminis di cjase Candùs o sin di raze contadine: spalis largjis e flancs plens. Jê e jere sclagne. […] Sclagne, sì, ma fuarte (Gianni Gregoricchio, Trê feminis)
   Sin. magri , spiul , sec , scarm , scarmulin , sfilât , sut
   Cfr. patît , scjarnît , smenglât , vidriç , davignût , indavignût , micul , schinchinît , secandul , stransît , strissinît
   
   1. di femine, che e à formis pôc bondantis, soredut pet pôc bondant
   2. di part dal cuarp, pôc grasse o pôc bondante:  il lôf al va svelt par saltâ fûr pa buchere. Maladete Menie! Se cu la panze sclagne al ere entrât a stent cumò che la veve tirade come une piel di tambûr a i volevin almanco dôs busis di chês par podê passâ (Luigi Gortani, La bolp e il lôf)
2. adi., s.m. che, cui che nol à mangjât o che nol à mangjât avonde:  Min [plen di fan] subit dopo jentrât al lampe la taule furnide. "Sdravo druze", i dîs il passût. "Sdravo, sdravo druze, can da la tô madone ", i dîs il sclagn (Ivano Urli, Storie di Min)
   
   1. (fig.) de panze, vueide, di cui che nol à mangjât:  cu la tripe sclagnote par vie dal solit gustâ nuie proporzionât a la puartade dal mio bultric (Arturo Feruglio, Viaç a Vignesie); "O ai altri ce pensâ, jo, che a fâ il patriot…. A panze sclagne no vegnin di chês ideis alì…" (Alviero Negro, Int di masnade)
3. adi. ancje di plante o di robe inanimade, che no je nuie gruesse:  forment strissinît, vueit; lis spiis sclagnis, dretis, cence pês (Dino Virgili, La aghe da pît la cleve)
   Sin. fin¹ , sutîl
4. adi. (fig.) che al è piçul di dimension, cuantitât, intensitât e v.i.:  la schede presentade dal siôr Cristin, pulide, ordenade, documentade, e je stade paiade 500 francs. […] Une sume pluitost sclagne, par dî la veretât (Riedo Pup, Il furlan al jentre in tribunâl)
   Sin. scjars , pôc , piçul , magri , misar , bas , puar²
   
   1. pôc bondant, pôc furnît di alc, sedi materiâl che imateriâl:  il lôr tacuin al è plui sclagn dal vuestri (Josef Marchet, Lis predicjis dal muini); une vite incolme di strussiis e sclagne di afiets (Lucio Perès, La strie)
5. adi. (fig.) che al à dome i elements essenziâi o che in ogni câs al à pôcs elements in plui:  lis notiziis di Rotgaut tes cronichis a son sclagnis (Sandri Carrozzo, Rotgaut e la politiche furlane langobarde)
   Sin. essenziâl , lizêr , net , sut , sclet

Polirematichis e espressions idiomatichis

• a panze sclagne loc.av.

Proverbis:

• fieste pe setemane e fâs la panze sclagne