Dizionari de Lenghe Furlane

magri  ma|gri  [AF]

1. adi. di persone, di animâl o di part dal cuarp, che e à pôc gras:  e ce viodie? Sôs sûrs incjadenadis, magris come stiçs, che a vevin dongje dome pan e aghe! (Andreina Nicoloso Ciceri, Trê sûrs - Racconti popolari friulani I); la femine alte e magre, dute a neri mi cjalave (Alan Brusini, Gian Paolo Linda, I forescj)
   Sin. sut , sclagn , sec
   Cfr. patît , scjarnît , smenglât , vidriç , scarmulin
   
   1. s.m. persone cun pôc gras
2. adi. di cjar di mangjâ, cence gras o cun pôc gras o di altre robe di mangjâ, cun pocje percentuâl di lipidis:  lis cjars magris (poleç, dindi, vidiel e cunin) a puedin jessi consumadis plui des cjars rossis (Guglielmo Pitzalis, Mangje san 3)
   
   1. s.m. cjar cence gras:  al è il magri dai ombui dal purcit, la cjar plui preseade (Diego Navarria, La salsamentarie de basse); pre Jaroni, dopo messe piçule, al vignive par cjase a benedî lis fuiacis, i ûfs colorâts, il magri di purcit, il salam, il pistum, la cjar e il vin dal past di Pasche (Dino Virgili, La aghe da pît la cleve)
   2. s.m. robe di mangjâ cun pocje cuince:  si sta za tornant a la polente, al magri. Almancul si tente, si procure (Riedo Pup, I furlans e la blave)
3. s.m. pitance che no à cjar e che duncje si pues mangjâ cuant che lis normis religjosis cristianis a prescrivin di no mangjâ cjar:  la maiorance e veve tignût domandât perdon e fate pinitince vie pe anade: […] lis processions, lis novenis, il dizun e il magri di cuaresime… (Riedo Pup, I furlans e la religjon)
4. adi. (fig.) di teren o passon, pôc produtîf, che nol bute:  a vevin dât a fit chê braide, ma cumò no rindeve plui, bandonade come che e jere, puare e magre (Pieri Menis, Sul agâr); montagnis ruspiosis, plenis di crets e di prâts clapignôs, monts magris, tiere di miserie lustrade dai scravaçs e dal tramontan (Roberto Ongaro, Il muc)
   Sin. mars¹ , puar¹
   
   1. s.m. cjamp o prât o teren che al bute pôc o nuie:  par chel om, a tirava four dut ce che a pos na creatura cussì, come il grignon tal magri (Novella Cantarutti, Li streci rossi)
      Sin. mars¹ , magrere , marsure , magrêt
5. adi. che al è scjars di fuarce, intensitât:  la palide flame / dai magris lusôrs / risclare la sene, / paron, aventôrs (Romeo Battistig (?), Ai Piombi)
   Sin. scjars , flap , misar , puar¹ , debil , flevar
   
   1. che al è in pocje cuantitât, in misure scjarse:  i paîs de Sclavanie no puedin sostignî un fuart aument di popolazion cu lis lôr magris risorsis (Josef Marchet, Tra il Lusinç e la Tor)
      Sin. flap , gram² , misar , penuriôs , rasclen , sclagn , strent , striçât , pôc , strac
   2. che al da pôc:  al pensave dome par se, e al jere magri di afiets par chei altris (Maria Forte, Cjase di Dalban)
      Sin. strent , striçât , tirât
   3. che al rint pôc o che al è caraterizât di pôc vuadagn:  cheste none e je di chê gjenerazion che no à volût insegnâ ai nevôts a molzi o a doprâ il falcet, pensant che lôr a no àn di vê dibisugne di fâ chei lavôrs dûrs e magris (Igor Londero, Un blanc e un neri)
      Sin. flap , gram² , misar , penuriôs , rasclen , sclagn , strent , striçât , pôc , strac
6. adi. di materiâl, soredut misturât, che al à pocje cuantitât di une cierte sostance:  malte magre (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
   Sin. puar¹

Polirematichis e espressions idiomatichis

• mangjâle magre loc.v.

Proverbis:

• dutis lis moscjis i dan aduès al cjaval magri
• la tampieste e cole simpri sui cjans magris
• miôr un justament magri che no une grasse sentence
• miôr une magre convenzion che no une grasse sentence
• si daur il sorc ai purcits magris