Dizionari de Lenghe Furlane

stuarte  stuar|te  [CO]

1. s.f. azion di stuarzi o di stuarzisi, di pleâ o di pleâsi
   
   1. pont o puest li che alc si plee, che al cambie di direzion:  il non da vila, par lâ ta sô ladrîs, vegnarès fûr dal latin «Versa», che vuarès dî una svolta o una stuarta di strada o riûl (Luciano Spangher, Viarsa, un pôc di vita e un pôc di storia dal '800)
      Sin. plee , svolt¹ , svolte , svoltade , voltade , volt¹ , volte
2. s.f. lesion, traume di une articolazion che e ven sfuarçade masse, di là dal moviment normâl o intune direzion diferente di chê dal moviment normâl:  al era ben cunussût da ducju ca par entri parcè che al curava stuartis [...] tant a lis bestiis che ai cristians (Carla Di Pol, Luto di Polac e i demâi)
   Sin. stracuel , discuinç , dissignestrade , distorsion
3. s.f. [CO, TS] chim. recipient cul cuel sutîl e pleât par distilâ
4. s.f. [CO, TS] med. urinâl par malâts che no puedin jevâ dal jet
   Sin. pampagal
5. s.f. [FÛ, TS] arm. spade cu la lame arcade:  tu vorès vulintîr [...] / [...] cu in vuaìne si metès la stuarte (Anonim, Purciel passût e gras, baghe di vin)
6. s.f. bevude une vore bondante di alcolics e efiet dal alcul bevût in grande bondance, che al fâs pierdi la luciditât:  e l'è vêr che il cassîr, cause une stuarte, / l'à piardude la clâf de cassefuarte (Josef Bertuç, Brindisi)
   Sin. simie , bale , pipine , trusse , susine , steche , sfisie , plombe , cuete¹ , çufule , çusse , implombade , incjocade , piruce , plene , strissule , parussule , civuite , sborgne , invreasade , sbrosigne , sissule , stonfe , cjoche

Polirematichis e espressions idiomatichis

• lune stuarte loc.s.f.