voltade
/-à-/
vol|ta|de
[AF]
-
s.f.
il voltâ, il voltâsi, il meti, il metisi o il jessi metût intune altre posizion:
dade une voltade al tornà a indurmidîsi (Catarine Percude, La mulinarie);
veva diti a sô femina di fa voltâ il jet par vê la muart da pîts, ma chê voltada no veva 'sovât nuia e ancja lui veva dovût tornâ al Creatôr (Ranieri Mario Cossâr, Storia dai trê nerans)
Sin. zîr
, zirade
, volton
-
il movi, il jessi mot o il movisi cuntun moviment circolâr o plui o mancul circolâr:
ducj cuancj a minuçavin dentri un biel toc di pan inta mignestre; i devin une voltade cu la sedon, e po jù sence soflâ ne nie (Luigi Gortani, Sant Martin);
si voltà sorepinsîr, tal lusôr vîf de flame, a messedâ alc tune pagjele e a dâ une voltade ae polente che e butave sbufs di fum che a nasavin za di stiç (Maria Forte, La tiere di Lansing)
Sin. zîr
, zirade
, remenade
, messedade
-
s.f.
mudament di direzion o lûc li che alc, par esempli une strade o un flum, al mude di direzion:
su la voltade, subit dopo dal puintut di len, li che la stradute di Cleve e va fûr te Strade Disot, al comparì Zuanat incorint (Dino Virgili, La aghe da pît la cleve);
e rive suntune voltade di strade e si scuint daûr une cise (Andreina Nicoloso Ciceri, Trê sûrs - Racconti popolari friulani I)
Sin. volt1
, volte
, svolt
, svolte
-
s.f.
(fig.)
mudament profont e radicâl:
o podìn vê la sensazion clare di cjatâsi a jessi suntune voltade decisive de civiltât (Josef Marchet, Su altris fondis);
e veve spietât un biel pieç prime di fâlu savê [che si sarès maridade] a sô mari, scuasit par no fâ ancjemò vere e sigure chê voltade (Maria Forte, Cjase di Dalban)
Sin. volton
Polirematichis e espressions idiomatichis