Dizionari de Lenghe Furlane

volt¹  /-ó-/  volt  [FO]

1. s.m. [FO, TS] arch., edil. struture architetoniche che e à forme di segment pleât parsore di un spazi vueit, che si poie su doi ponts, scjariant su chescj il so pês e il pês de costruzion parsore:  sul volt de puarte difûr al è un non a mieç, sgriât tal tof (Dino Virgili, La Gnot dai Sants); sui volts dai portons i fruts a picjin ghirlandis e festons di rosis a macetuts (Pieri Somede dai Marcs, Corpus Domini)
   Sin. volte , arc
   
   1. sufit o cuviertidure di forme ingjavade:  al vignive a piturâ tal volt de Plêf, in Cente, un pitôr di Cjargne, Zuanfrancesc dal Çuet di Soclêf (Dino Virgili, La aghe da pît la cleve); i mûrs a son pençs, a volts i sofits (Pieri Menis, Lis leiendis di Buie)
2. s.m. trat di strade, troi, ferade e v.i. che al zire:  tun volt a comedon tra Rivis e Riçûl, a vevin capotât (Alan Brusini, Par stradis lungjis); il cjaval al cjapave just il volt de strade sot il cuel dal Fum, al saveve aromai dutis lis stretis dai borcs (Maria Forte, Cjase di Dalban); no je beorcje, volt o crosere che no vedi impirade ben in viste une biele tabele cu la ponte voltade a tramontan e cu la scrite «Austria» (Riedo Pup, No impaçâsi)
   Sin. svolt , voltade , volte
3. s.m. cualsisei trat che al zire di un cualchi element lunc:  une aghe frescje che e sgliciave vie jenfri i agaçs e lis cisis di olnârs, fasint mil volts e sgoifs tal so scjavaçâ la campagne (Roberto Ongaro, Il muc); un sivîl lontan di un tren tal bosc, dulà che la valute de Innerste e faseve un volt (Agnul di Spere, Un cidinôr todesc)
   Sin. svolt , voltade , zîr , volte
4. s.m. moviment che al va daûr di une linie curve o caraterizât di une rotazion:  e cjapà jê in man la mace de polente par dâi la ultime pocade e butâle jù, che la madone no veve plui la fuarce dì fâ il volt che al coventave (Maria Forte, La tiere di Lansing); al era come na roda, cuant che a da i ultins volts (Novella Cantarutti, Il stagnin); e cor a dâ un volt a la clâf de puarte (Pieri Somede dai Marcs, Lassait che mi sbrochi!); la procession e faseve il volt dal paîs (Pieri Menis, Chei di Muraie)
   Sin. voltade , zîr
   
   1. moviment di tornâ:  tormentade come tal sium, cuant che al cjape il vencul, al pese sul stomi e nol lasse il volt al respîr (Maria Forte, Cjase di Dalban)
5. s.m. (fig.) il cambiâ, il mudâ, soredut di plante fûr, cuntune evoluzion che e puarte a une situazion une vore diferente o contrarie:  la sô voie di fâ dâ un volt ae vite che fin in chê dì i veve dât nome marum (Roberto Ongaro, Cretevierte)
   Sin. voltade , zîr

Polirematichis e espressions idiomatichis

• a planc pai volts loc.inter., loc.av.
• planc pai volts loc.inter.
• planc tai volts loc.inter., loc.av.

Proverbis:

• passât il volt di Clement, nissun no ti à iniment