discuinç
/-ìnç/
dis|cuinç
[CO]
-
s.m.
jessude de terminazion di un vues de sô posizion normâl te articolazion:
[…] e crics e chile / e discuinçs, tant che ogni altri tananai, / par ducj i mâi al è un rimiedi pront / tes jarbis che si cjate in plan o in mont (Ercole Carletti, L'amâr di Udin)
Sin. stracuelade
, dissignestrade
, dissignestradure
, discuinçade
Cfr. stuarte
-
s.m.
abort, pierdite di une creature prin dal part:
a à vût doi discuinçs di file (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. abort
-
s.m.
(fig.)
fat, cundizion, situazion e v.i. che a dan fastidi, che no si sopuartin ben:
"No tu sês mo ben curiôs / di savê ju miei interès? / Nol ti zove e nol ti nôs: / chest pues dîti e plui no pues." / "Maladete, ce discuinç, / ce secrets e ce grant fats!" (Gabriel Pacian, Sore il nuviziât di Vulpit. Dialogo tra doi amîs, Cuche e Buchin)
Sin. fastidi
, intric
-
s.m.
cundizion o situazion di ce che nol è in ordin:
che al si comudi culì, che disore al è ancjimò dut in discuinç (Giulio Andrea Pirona, Novo vocabolario friulano)
Sin. disordin
, confusion
