Dizionari de Lenghe Furlane

cjoc  /-ò-/  cjoc  [FO]

1. adi., s.m. che, cui che al à bevût masse alcolics e nol è in cundizion di resonâ ben, di controlâ i moviments e v.i.:  al jere tornât dongje dopo miezegnot, cjoc disfat, e che al veve durmît come un çoc (Pieri Menis, Une letare par Bepo); lu cjatìn distirât sot il palc intun cjanton che al ronfave, cjoc come une vacje! Al veve scolât di scuindon il fiasc dal vin (Pieri Somede dai Marcs, In teatro); suiâ cul peçot il vin spandût dai cjocs (Carlo Sgorlon, Prime di sere)
   Sin. becât , becât sot di une ale , bevût , çuvit , imbarlumât , imbarlumît , imberlît , imbramît , impiât , incarburât , inceât , incerât , incjocât , inçussît , inevreât , invreasât , madûr , vreasât , vreâs , in bale , in plene , momât , plen , plomp² , carburât , cuet¹ , çurul , grîs , muardût dal cjan neri , pontât , pontât tune ale , taront , ticât , çuful , implombât , in briscule
   Cfr. inçussît , bevuçât , bevucjât , legri
2. adi. (fig.) che nol rive a resonâ ben o a controlâ i moviments, però no par efiet dal alcul, ma ben di strache, cjalt e v.i.:  Gjoriu al rivà dongja cjoc di fievra e al si butà sul jet che al sfladava malamintri (Novella Cantarutti, La not di Gjoriu)
   Sin. confusionât , imbertonît , incjocât , intrunît , sturnît , inçussît
   
   1. cjapât a plen di une emozion fuarte:  cjocs di ligrie e di bielece, a balavin riduçant sul cjaveç dal lôr vignâl (Angelo Floramo, Il vignâl dal miracul)
3. adi. (fig.) ancje di alc di inanimât, che al da la idee di mancjance di logjiche, control, che al è o che al somee plen di strambetât o ossessivitât:  dut tun moment daûr dai çamars, da pît dal broili, ju fermà un svoletâ spaventât e la ridade cjoche di une civuite che e scjampave jù pai roncs (Pieri Menis, Sul agâr); lis ombris che ur cjaminavin da pâr, si scurtin a sbighet, si tirin sot lis ruedis cjochis di zirâ (Dino Virgili, La aghe da pît la cleve)
   Sin. mat

Proverbis:

• al cjoc no stâ fidâi segret
• cuant che si è cjocs, ducj a dan di bevi
• il cjoc al pant la veretât
• no si po vê il caratel plen e la massarie cjoche
• no si po vê la femine cjoche e il caratel plen
• resonâ cuntun cjoc al è tant che spudâ su lis boris
• si lis pense di sincîrs e si lis fâs di cjocs
• tal cjoc al è il vin che al fevele