Dizionari de Lenghe Furlane

vuarp  vuarp  [AF]

1. adi., s.m. che, cui che nol pues viodi:  al è deventât vuarp e al viôt dome scûr (Raffaele Serafini, B123ST)
2. adi., s.m. (fig.) che, cui che nol rive a pensâ, a considerâ, a previodi cun inteligjence:  la int di culì e vîf in miserie parcè che e je indaûr, e je vuarbe e si lasse imboconâ (Maria Forte, La tiere di Lansing)
3. adi. (fig.) che al è cjapât cussì a fuart di une emozion o di un sintiment di no rivâ a resonâ:  par lui, ambiziôs e usât a otignî dut chel che al volevo, il stes fat di no vêlo lu rendevo vuarp par amuor (Fulvio ReddKaa Romanin, Geologicamente impossibile)
   Sin. mat , sfolmenât , spirtât , svariât , svuarbât
   
   1. che al derive o che al è caraterizât di mancjance di razionalitât, di misure, di control e v.i.:  i cresseve dentri une fote vuarbe cuintri dal destin che i robave la sô zoventût (Gianni Gregoricchio, Trê feminis); nol è bon di controlâsi di bessôl e al è simpri pront a butâsi tal fanatisim plui vuarp, plui intolerant e plui dogmatic (Josef Marchet, Sflacjons e insolents)
4. adi. (fig.) che nol è trasparent, che nol lasse viodi a traviers:  colâ simpri plui insot tune aghe vuarbe (Maria Forte, La tiere di Lansing)
   Sin. torgul , turbit , ofegât , scûr¹ , velât , fumatât , infumatât
5. adi. (fig.) di spazi, ambient, passaç e v.i., che nol è viert:  parsore de puarte intune lunete vuarbe al jere piturât un Sant Zuan vistût di piels (Pieri Menis, I sioperos dal muini)
   Sin. muart² , sierât , stropât
6. adi. (fig.) fat di scuindon, tignût scuindût:  dute la cuintristorie de famee e vignì fûr chê sere ad alte vôs: lis resdiconts vuarbis, lis scuindarolis, lis diferencis, lis furbetâts (Dino Virgili, La division); un afâr vuarp (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
   Sin. platât , scuindût , segret
7. adi. (fig.) di letare, messaç e v.i., cence firme, cence identificazion di cui che al scrîf:  al jere bon di fâ il spion e di scrivi denunziis vuarbis (Amedeo Giacomini, Tal ospedâl); no san cui che al à scrite cheste letare vuarbe (Alviero Negro, Int di masnade)
   Sin. anonim
8. adi. (fig.) di plante o di part di plante, che no à voi, cecjis, che no fâs o che no pues fâ menadis gnovis:  lis bachetis vuarbis a vignaran taiadis, chês che a àn il butul lassadis (Pieri Piçul, Vieri e gnûf)

Polirematichis e espressions idiomatichis

• a la vuarbe loc.av.
• a vuarp loc.av., loc.adi.inv.
• ae vuarbe loc.av.
• letare vuarbe loc.v.

Proverbis:

• ancje un vuarp al à cjatât un fier di cjaval
• fortunât cui che al à un voli tal paîs dai vuarps
• il plet, il çuet e il vuarp a àn il diaul tal cuarp
• il vuarp al brame la lûs, l'uciel la libertât
• l'amôr al è vuarp
• la fortune e je vuarbe
• miôr mangjâ cuntun vuarp che no fevelâ cuntun sort
• no si da al mont un vuarp plui grant di chel che nol vûl viodi
• ogni vuarp al brame la sô lûs
• par nuie il vuarp nol cjante
• tal paîs dai vuarps al è fortunât chel che al à un voli sôl
• tal paîs dai vuarps beât cui che al à un voli
• un vuarp che al mene un altri vuarp a colin ducj i doi te buse
• une viele, une vuarbe, une picjade daûr de puarte