Dizionari de Lenghe Furlane

anonim  /-ò-/  a|no|nim  [CO]

1. adi., s.m. che, cui che no si cognòs il non o la identitât:  ce che nus mancje par vê un cuadri plui precîs dai fats, dut câs, e je la vôs dai protagoniscj anonims di chel riviel (Carli Pup, Il Friûl de Joibe Grasse dal 1511)
   Sin. cence non , scognossût
2. adi. che al à un autôr no cognossût, cence firme o cence indicazion dal autôr:  i àn scrit une letare anonime disint che jê lu tradive (Pieri Somede dai Marcs, Vilie di Nadâl (teatri)); i prins doi dai cuatri volums a vegnin fûr anonims tal Lui dal 1774 (Pierluigi Visintin, Friûl e furlans te Histoire de ma vie di Giacomo Casanova)
   Cfr. vuarp
3. adi. cence une personalitât individuâl, cence origjinalitât, cence cualitâts:  o vivevi intun anonim palaç di perifarie (Checo Tam, Micio-Micion)
   Sin. banâl , di dozene , insignificant , ordenari

Polirematichis e espressions idiomatichis

• letare anonime loc.v.