Dizionari de Lenghe Furlane

cence non    [CO]

1. loc.adi.inv. di alc, che nol è segnât l'autôr, che no si sa l'autôr:  cjantis cence non sul stamp des vilotis (Dino Virgili, Leterature gnove dal Friûl)
   Sin. anonim
   Cfr. vuarp
2. loc.adi.inv. di cdn., che nol è identificât o definît:  la trupe dai soldâts cence non e cence glorie (Antoni Beline, La fabriche dai predis); il scûr al platave lis musis e ogni om, pes stradis scuris, al deventave nome une ombre cence non (Roberto Ongaro, Il muc)
   Sin. anonim
   
   1. loc.s.m. [BF] persone, soredut autôr, no identificade:  il n. 22 [de Comugne] al presente trê contis, une di un cence non, une intun stîl plui sul classic di Fabian Ros e une plui sul moderni di Massimo Govetto (Laurin Zuan Nardin, Vivarositât continue)
3. loc.adi.inv. che al è cussì estrem intune carateristiche, soredut negative, che no si pues nancje definî o descrivi:  tormentâts de vergogne de disfate cence non dal nestri esercit (Pieri Somede dai Marcs, Sant Simon: 28 di Otubar 1917)
   Cfr. di no dî

Components:

• cence prep., av.
• non¹ s.m.