Dizionari de Lenghe Furlane

torgul  /tò-/  tor|gul  [CO]

1. adi. di aghe o di altri licuit o fluit, no trasparint, che al à impurecis in sospension o che in ogni câs no si viôt ben a traviers:  [stravasant il vin] si varà cure di meti di bande la prime sgorgade al at di aplicâ il cjanul, e cussì ancje la ultime porzion, parcè che a jessin fûr torgulis (Giuseppe Ferdinando del Torre, Il contadinel. Lunari par l'an 1867); tornavin cjase ancjemò sporcs di pantan e dopo di vê bivût cualchi glut di aghe torgule (Delchi Tirel, Il fossâl)
   Sin. turbit , fluscât , ofegât
   Var. turgul
   
   1. ancje di altri materiâl, cuviert di alc di sporc che nol lasse viodi l'aspiet naturâl
   2. s.m. materiâl, puest o cundizion li che no je trasparence o visibilitât:  lis aghis, prime di lâ fûr, vevin a deponi il torgul (Giuseppe Ferdinando del Torre, Il contadinel. Lunari par l'an 1875)
2. adi. (fig.) caraterizât di alc di negatîf, tant che agressivitât, preocupazion, pôre, malinconie e v.i.:  un drame torgul e violent, dulà che si intuìs subit che la tragjedie e je pronte a discjadenâsi, che e baste une faliscje par fâ vignî fûr dute la cagnetât, dutis lis cualitâts piês dal om (Laurin Zuan Nardin, Alviero Negro, Strumîrs e çambarlans, Udin, 1978)
   Sin. scûr¹ , turbit
   
   1. s.m. ce che al è negatîf, trist e v.i. o cundizion di negativitât, tristerie e v.i.:  l'à imparât a gloti dut, ancja al torgul (Celso Macôr, L'onorevul)
3. s.m. zîr di aghe o ancje di aiar
   Sin. gorc , mulignel , torgule
   Cfr. torguliç

Proverbis:

• tal torgul al è bon pescjâ