gorc
/-ò-/
gorc
[CO]
-
s.m.
zîr di aghe che si infonde, che al pues ancje tirâ sot:
alore il cjanat al da une cainade, al salte tal roiuç, al si svuatare un pôc sot il cion e po al sparìs tal gorc (Catarine Percude, Il cjan blanc di Alturis);
chê grant aga frescja e turchina […] a vigneva incà businant […] fin dulà che al si ingrinta il spiron di Grimau; uì a faseva il gorc pi font (Novella Cantarutti, Malincunia dal lagu)
Sin. mulignel
-
zîr de stesse forme, ma ancje no di aghe:
tal cuadrât di Place Sant Jacum si jevin gorcs di polvar (Stiefin Morat, Kebar krossè);
un lent gorc di nûi, che si vierç e al torne adun (Franco Marchetta, Madalene)
Sin. trombe
, mulignel
, mulin
, tulmignon
-
s.m.
(fig.)
dinamiche imburide, che e strissine:
come il bevi di alc di fuart, come butâsi tun gorc di sunsûr che al passe ogni altri sunsûr (Maria Forte, La tiere di Lansing);
[…] butât intal gorc di un mont in trasformazion permanente […] (Fabian Ros, Su metiX babel feliX)
