trombe
/-ò-/
trom|be
[AF, TS]
-
s.f.
mus.
strument musicâl a flât, di leton, che te sô forme di cumò al à trê pistons, cane par trê cuarts cilindriche e tal ultin cuart a plere ingjavade:
Zorç al continuave a sunâ la trombe: MI-LAA MI-LA-SOL RE-SOL-FA DO-FA-MII (Checo Tam, La trombe)
-
cui che al sune chest strument intune orchestre, intune bande, intun complès:
par dîle dute, ogni tant la trombe e tirave cualchi steche, ma l'aiar al jere cussì lizêr e la atmosfere cussì dolce, che si perdonave chel e alc altri (Gianni Gregoricchio, Îr e doman)
Sin. trombetîr
-
s.f.
dispositîf acustic a plere:
si sint la trombe dal automobil: eco, eco che al rive (Pieri Somede dai Marcs, La comedie dal mus)
-
s.f.
edil.
struture vueide verticâl di colegament, li che a puedin cjatâ spazi scjalis, assensôrs, condotis e v.i. o che e pues restâ libare par fâ passâ materiâl:
un biel seglot di muredôr a pendolon sul cidul te trombe di une scjale di servizi (Riedo Pup, Il seglot di malte);
un contadin, tune stale dongje, al molzeve une magre vacjute intant che la sô femine e butave jù da la trombe dal cjast un braç di fen profumât (Franca Mainardis, Grivôr)
-
s.f.
toc dai stivâi che al cjape dentri la gjambe, parsore dal cuel dal pît:
la trombe di stivâl tipo marassial di finance de pulizie tributarie (Arturo Feruglio, Viaç a Vignesie)
-
s.f.
zîr di aiar, e di robis puartadis dal aiar, che al forme come un gorc:
une bugade di aiar rabiôs al alçà sù par aiar une trombe di fueis e di fros puartantju vie cui sa dulà (Pieri Menis, Sul agâr)
Sin. mulignel
Proverbis:
- trombe di cûl, sanitât di cuarp: cui che nol trombe al è muart