Dizionari de Lenghe Furlane

limitâ  li|mi|tâ  [AF]

1. v.tr. [BF] segnâ i confins
   Sin. circoscrivi , definî , determinâ , segnâ , delimitâ
   
   1. fâ di confin
2. v.tr. meti un limit di cuantitât, dâ une misure, soredut une misure massime plui basse rispiet a une realtât che e jere prime:  i svuizars a saressin rivâts istès a limitâ il numar dai lavoradôrs forescj, ma cence masse scandui (Agnul di Spere, In viaç di domenie); la soluzion juste e sarès stade chê di limitâ lis emissions no dome di solfar ma ancje di anidride carboniche (Dario Bianchini Giaiotti, Fulvio Stel, Clime e incuinament: prime l'ûf o la gjaline?)
   Sin. calâ , contignî , misurâ , moderâ , ridusi , ristrenzi , sbassâ , staronzâ
   
   1. (ancje fig.) mantignî sot di un ciert nivel, tignî controlât:  se o ves vût a puartade di man une pistole i varès sbarât aduès ducj i vot colps. Mi mancje invessi ancje la ombrenone, arme pericolose, cussì che o limiti une vore la mê indignazion (Arturo Feruglio, Viaç a Vignesie)
      Sin. tignî , contignî , stratignî , moderâ , controlâ
   2. imponi une riduzion:  i guviers si lambichin a limitâ chestis diferencis, a roncjâ, a dispedâ, a cuinçâ, a splanâ, a dreçâ, a unificâ plui che a puedin la mandrie che ur va daûr (Josef Marchet, Personis e pipins); si à di limitâ il consum de pane e de spongje parcè che a contegnin masse gras (Guglielmo Pitzalis, Mangje san 3)
   3. fâ in mût che cdn. o alc no sedin libars, che a puedin rivâ dome fin a un ciert pont:  la cundizion di dificoltât sociâl e culturâl storiche dal Friûl e dipendeve in buine part de sielte di tratâlu come tiere di destinazion militâr di confin dal stât talian, che i limitave la autonomie (Adrian Cescje, Memoriis di politiche linguistiche)
   4. selezionâ dome alc escludint il rest:  la diference dai temis tratâts e la grande cuantitât di dâts vignûts fûr di cheste ricercje, a consein di limitâ lis osservazions finâls dome a cualchidun dai ambits e des problematichis consideradis (Linda Picco, Ricercje su la condizion sociolenghistiche dal furlan)
3. s.m. linie o fasse che e corispuint a un limit, a un confin:  i pierçolârs e i miluçârs che a son sul limitâ dal bosc (Franca Mainardis, Un bosc cence colôrs)
   Sin. ôr , limit , confin