zone
/-ò-/
zo|ne
[FO]
-
s.f.
estension di tiere o di spazi plui o mancul grande cun carateristichis o cundizions gjeografichis, economichis, aministrativis e v.i. particolârs o individuât in cualsisei maniere daûr di un ciert criteri:
cuissà se difûr e sarà nome un freghenin di lûs, forsit tes zonis plui altis, su la ponte de Bernadie, dal Cuarnan, dal Cjampon, o forsit nancje là sù (Alan Brusini, Amîs come prime);
inte logjiche de cortine di fier il Friûl al jere zone di confin strategjic (Max Mauro, Un Friûl difarent: i 90 mhz di Onde Furlane);
dal 15 al 17 di Setembar tocjà viodi dute la int de zone dal taramot a partî par lozâsi a Grau, a Lignan, a Bibion (Francesc Placerean, Cuintristorie dal Friûl dal 1866 fint in dì di vuê);
la cuistion de convivence tra furlans e sclâfs, in chê zone [in provincie di Gurize] e je za une vore scotante, plui ancjemò di chel che no sedi te provincie di Udin (Josef Marchet, Friûl orientâl e autonomie regjonâl)
Sin. localitât
, lûc
, paîs
, puest1
, sît
, teritori
, tiere
-
s.f.
(fig.)
setôr, categorie individuade daûr di un ciert criteri:
grandis zonis di lessic neologjic tecnic specialistic atualmentri vueidis (Adrian Cescje, Memoriis di politiche linguistiche)
Sin. aree
, fasse
, part1
, porzion
, toc1
, trat
, setôr1
, classe
, categorie
-
s.f.
[TS]
gjeogr.
fasse climatiche de Tiere:
se no fos [la circolazion atmosferiche], lis zonis ecuatoriâls a saressin cetant plui cjaldis e chês polârs cetant plui fredis di ce che a son (Stefano Micheletti, Marcellino Salvador, Notis di meteorologjie pal Friûl - Vignesie Julie)
-
s.f.
[TS]
anat.
part di un orghin o struture ben limitade:
lis zonis de scuarce dal cerviel che a fermin lis memoriis declarativis, a comencin a madressi daspò i doi agns e a finissin di fâsi a la fin de pubertât (Franc Fari, Il cjâf dai furlans)
-
s.f.
[TS]
sport
in plui zûcs di scuadre, tatiche di marcadure li che ogni zuiadôrs al controle une part dal cjamp e no un zuiadôr aversari:
la difese dal Milan e jere inschiriade a zone, tant che la prime scuadre di Sacchi (Stiefin Morat, Adalt abàs)
-
part dal cjamp controlade di ogni zuiadôr
-
s.f.
[TS]
milit.
teritori delimitât daûr des operazions militârs