Dizionari de Lenghe Furlane

aree  /à-/  a|re|e  [CO, FO, TS]

1. s.f. part di teren:  il teritori cjapât tra la linie des risultivis e chê de cueste […] al jere dominât de presince di grandis areis di bosc (Mirta Faleschini, Stefano Magnani, Aldo Candussio, Gaetano Vinciguerra, Protostorie e storie romane in Friûl)
   Sin. lûc , puest¹ , sît , zone
   
   1. spazi destinât par alc di specific:  une presince avonde grande di ativitâts economichis, logadis in gjenar o in areis specifichis […] cun destinazion industriâl o comerciâl (Mauro Pascolini, Andrea Guaran, La planure e la cueste dal Friûl); l’insediament di ativitâts produtivis gnovis e l’ampliament di chês che si cjatin bielzà te aree artesanâl (Aministrazion Publiche - Comun di Sedean, info@Comune)
2. s.f. sît, ancje cuviert, destinât a di une cierte funzion:  i segns plui marcâts dal intervent dal om: stradis e autostradis, […] areis di servizi (Mauro Pascolini, Andrea Guaran, La planure e la cueste dal Friûl)
   Sin. lûc , puest¹ , sît , zone
3. s.f. (fig.) part di un savê o di une ativitât o dissipline:  dissiplinis di aree umanistiche (Adrian Cescje, Memoriis di politiche linguistiche)
   Sin. cjamp , setôr¹ , sfere
4. s.f. [CO, TS] gjeom. misure de estension di une superficie:  par calcolâ la aree di un retangul si à di moltiplicâ la base pe altece
   Sin. superficie
5. s.f. [CO, TS] sport part di un cjamp di zûc che e à une cierte funzion:  scat di Larsen su la corsie di diestre, cross tal mieç de aree (Marc Stolf, Udinese - Inter 0-3)
6. s.f. [CO, TS] polit. orientament politic:  i elets si dividin a miezis tra aree progressiste e diestris (Carli Pup, Stât spagnûl: politichis, sucès dai partîts catalans e bascs)
7. s.f. [CO, TS] gjeogr. teritori interessât di fenomens particolârs:  si pues ben cjapâ at di areis di disvuedament demografic intor di areis di urbanizazion ecessive, segn de roture dal ecuilibri di un insediament storic (Adrian Cescje, Memoriis di politiche linguistiche); i salvans a ricuardin une vore di dongje i oms salvadis che o cjatìn dilunc di dute la aree alpine e in cetantis altris bandis dal mont (Sandri Carrozzo, Friûl di Magance)