teritori
/-ò-/
te|ri|to|ri
[FO]
-
s.m.
estension di tiere avonde grande, caraterizade di ciertis cundizions gjeografichis, antropichis, politichis, aministrativis e v.i.:
tra l'Otubar dal 1944 e l'Avrîl dal ‘45 miârs di cosacs a son rivâts […] par stanziâsi in Cjargne e ocupâ chel teritori, che ur jere stât prometût dai naziscj (Marisa Moretti, Neveade);
la prime invistidure impuartante e fo chê dal imperadôr Oton I, che dal 967 al meteve tes mans dal patriarcje Rodoalt dut il teritori furlan tra la Stradalte e il mâr (Josef Marchet, Cuintristorie dal Friûl fin sot la Italie);
il futûr dal vin furlan al è inte identificazion jenfri vin e teritori simpri plui strente (Enrico Peterlunger, Storie curte de vît in Friûl)
Sin. contrade
, lûc
, paîs
, regjon
, tiere
, zone
Var. tiritori
-
s.m.
(fig.)
ambient li che a sucedin in concret i fenomens e dulà che si fasin in concret ciertis ativitâts, in oposizion cun ce che e je la teorie, la academie, la jerarchie politiche e v.i.:
nus interesse cjapâ sù i umôrs e lis tindincis sociâls, culturâls e artistichis che a rivin dal teritori e dâ ricet a chês vôs che par solit no àn acès al sisteme de informazion (Max Mauro, Un Friûl difarent: i 90 mhz di Onde Furlane);
la direzion [dal partît] dal 1972 no si è organizade, e à trascurât il contat cul teritori (Adrian Cescje, Memoriis di politiche linguistiche)
-
s.m.
[TS]
dir.
spazi li che une istituzion e met in vore la sô sovranitât:
il forest che si impedissii tal so paîs l'esercizi efetîf des libertâts democratichis garantidis de Costituzion taliane al à dirit di asîl tal teritori de Republiche (Guglielmo Pitzalis, Nissun pericul dai forescj)
-
s.m.
[TS]
etol.
zone di riproduzion, cove e alimentazion di un animâl o di un grup di animâi di une specie, che e je difindude cun segnâi acustics, visîfs e olfatîfs par che no 'ndi jentrin altris:
i simpanzè a copin i lôr simii (agressivitât intraspecie) no par difese dal lôr teritori, ma in maniere intenzionâl, cemût che a fasin i umans intes vueris (Franc Fari, Eric Pascul, Autonomie e democrazie, i numars de socializazion umane)