categorie
/-ì-/
ca|te|go|ri|e
[FO]
-
s.f.
complès di robis o personis che a àn caratars in comun e che si diferenzie di altris:
chescj mioraments a puartaran un clâr benefici soredut aes categoriis plui debilis de societât (Daniele Goi, Dario Bianchini Giaiotti, Fulvio Stel, Modelistiche numeriche pe valutazion e gjestion de cualitât dal aiar);
al à vinçût […] il premi spagnûl de culture, categorie cine (Fabian Ros, Il cine di Jordi Cadena)
Sin. classe
, fasse
, fate
, gjenar
, naie
, nivel
, ordin
, ranc
, raze2
, rie
, tip
, tipologjie
, vualece
-
s.f.
mût di viodi e interpretâ une realtât:
la categorie di "nazion" e comparìs esplicite: "se e je vere la definizion che o vin dade parsore, no ‘nd è dubis su la esistence di un popul, une etnie, une nazion furlane" (Adrian Cescje, Memoriis di politiche linguistiche)
Sin. criteri
, classificazion
-
s.f.
comunitât di personis che si pues distingui te societât par vie che a àn in comun cundizions, situazions, interès, ativitât professionâl e v.i.:
dopo che ancje i magjistrâts si son screâts a sioperâ, lis unichis categoriis che no àn ancjemò cedût a son i carabinîrs e i predis (Riedo Pup, A restin nome carabinîrs e predis)
Sin. classe
, cuarp
, grup1
, strât
-
s.f.
nivel intune scjale jerarchiche professionâl o di altre sorte:
pre Pitin a destinarin che al jere un predi a la buine e di ultime categorie e par dute la vite si puartà daûrsi chê innomine (Antoni Beline, Pre Pitin);
cul beât Bertrant [Udin] al passe de categorie di paîs ae categorie di citât (Francesc Placerean, Il nestri sant: patriarcje Bertrant)
Sin. nivel
-
s.f.
cualitât di une marcjanzie o di un servizi:
un formadi di alte categorie;
un ristorantut di basse categorie
Sin. cualitât
, nivel
, fasse
-
s.f.
(fig.)
complès di cualitâts, in gjenar positivis, che al caraterize alc o cdn.:
une persone de sô categorie no si pues permeti ciertis robis
Sin. valôr
, nivel
, vualece
-
s.f.
[TS]
filos.
te filosofie aristoteliche, predicât gjenerâl che al permet di analizâ la realtât, o predicât in gjenar; te filosofie kantiane, ognidune des formis a priori dal intelet che a permetin la cognossince
-
s.f.
[TS]
logj.
te logjiche formâl, classe di elements di un lengaç che si puedin mudâ un cul altri cence che e ledi al mancul la coretece formâl de espression
-
s.f.
[TS]
mat.
nozion che e da unitât a situazions sot plui dissiplinis diferentis
-
s.f.
[TS]
biol., bot., zool.
ogni unitât sistematiche, che e cjape dentri individuis cun carateristichis comunis