Dizionari de Lenghe Furlane

sclope  /-ò-/  sclo|pe  [FO]

1. s.f. arme di fûc personâl, cuntune cane lungje di açâl fissade par lunc ae incassadure e un manaçon che si pues poiâ su la spale cuant che si smicje e si trai:  al alçà la sclope planc planc, al infrontà il manaçon cuintri la spale e al cjapà la smire a dîs pas di distance dal jeur (Meni Ucel, Cjaçadôrs); i carabinîrs a sburtavin indaûr la int cu lis sclopis sul stomi di chei devant (Dino Virgili, La aghe da pît la cleve); la esseesse e bute jù la puarte de barache e ducj dentri cun tant di sclope par mans (Ivano Urli, Storie di Min); Al jere une volte / Pieri si volte / i cole la sclope / Pieri si cope / i cole il curtìs / Pieri al resurìs (Popolâr, Al jere une volte Pieri si volte)
   Sin. sclop , fusîl
   Cfr. cane , incassadure , casse , manaçon , impugnadure , calç , scudielin , fogon , açalin , cjan , passarin² , scatarel , vuardeman , capolete , scoc , bachete , gjavebalis , discjariadôr , gjavestracis , arcabûs , moschet¹ , zilar , scjaveç , rigat , trombon , dopli , mitra , bale , balin , cartatucje , fissete , polvar di sclope

Polirematichis e espressions idiomatichis

• a un tîr di sclope loc.av.

Proverbis:

• cjaval, cjan, femine e sclope no si imprestiju mai
• no i pâr bon la sclope al mus
• sclope di zovins, miserie di viei