scudielin  /-ìn/  scu|die|lin  [CO]

  1. s.m. (dimin.) scudiele piçule, piçul contignidôr ingjavât di forme plui o mancul semisferiche:  si sintive cumò come un sglinghinâ di tacis e di scudielins (Franca Mainardis, Aiar di cjase)
    Sin. scudieline , scudielute
    Cfr. scudiele , cjicare
    1. cuantitât di robe che e je in chel contignidôr:  no ti fasial ben un scudielin di brût? (Pieri Menis, La gjaline robade)
  2. s.m. [CO, TS] arm. ingjâf des armis di fûc antighis, li che si meteve une piçule cuantitât di polvar che al faseve di lescje par fâ sclopâ la cjarie interne:  scudielin dal arcabûs (Giulio Andrea Pirona, Ercole Carletti, Giovanni Battista Corgnali, Il Nuovo Pirona)