cjicare
/-ì-/
cji|ca|re
[AF]
-
s.f.
piçul recipient di ceramiche, porcelane o altri materiâl, pal solit cul mani, doprât par bevi:
la Svualdine e rivave çavatant, e e poiave dongje di lôr la cjicare dal cafè o la tace dal vin (Maria Forte, Cjase di Dalban);
i ultins rais dal amont […] a lusivin tai veris de vetrine di face plene di cjicaris, tacis, e bicjerins (Pieri Somede dai Marcs, Il tinel);
Rita e masanà il cafè e e implenà la napoletane di aghe, po e le tal tinel a cjoli lis cjicaris e i platuts (Carlo Sgorlon, Prime di sere)
-
cuantitât di robe, spec. di robe di bevi, che e sta in chel recipient:
no rivi a cumbinâ un dret se no mi gjolt un pâr di cjicaris di cafè (Alan Brusini, Gian Paolo Linda, I forescj)
-
s.f.
[TS]
eletr., telecom.
element isolant di veri o di ceramiche par fâ passâ fîi eletrics in supuarts cence fâ contat:
al taiave i lastics des cjalcis di sô mari par fâ lis fiondis di clapadâ lis cjicaris de lûs pa strade (Alviero Negro, Il Nin)
Sin. campanele
Polirematichis e espressions idiomatichis