campanele
/-è-/
cam|pa|ne|le
[AF]
-
s.f.
piçule cjampane, ancje di podê tignî in man:
cuant che il malât al jere tal salustri, i puartavin il vueli sant cu la campanele e dut il paîs i vignive daûr (Alan Brusini, La fantasie de muart);
[il muini] al sunave la campanele, la volte che ur tocjave a chei altris di scomençâ il «Gloria» (Meni Ucel, Messe a straoris)
-
s.f.
cjampane o aparât che al fâs un sun par segnâ il principi e la fin des lezions, dai turnis di lavôr e v.i.:
il sun de campanele al tacà a svuedâ il curtîl [de scuele] (Carlo Tolazzi, La salamandrie tal fûc);
i fruts a rivavin a trops a spietâ tai zûcs il sun dispetôs de campanele (Maria Forte, La aghe dal Ariul)
-
s.f.
[TS]
eletr., telecom.
element isolant di veri o di ceramiche par fâ passâ fîi eletrics in supuarts cence fâ contat:
a jerin ancjemò fruts, mularie che e tirave claps aes campanelis dal telefon (Carlo Sgorlon, Prime di sere);
a stevin clapadant signâi, tabelis, / e lûs ca e là sui pâi, e campanelis (Meni Ucel, Clapadis)
Sin. cjicare
-
s.f.
[TS]
tecn.
lastre, portele che e siere il buchin de fornâs:
tu, che tu ti intindis plui di ducj dal for, ven cun me, a Lansing, cualchi dì prime di chei altris. Al è alc di comedâ tes campanelis dai bochins (Maria Forte, La tiere di Lansing)