scudiele
/-èl-/
scu|die|le
[AF]
-
s.f.
contignidôr di forme plui o mancul semisferiche, cence mani, pal solit par meti in taule robe di mangjâ, soredut licuide o semilicuide:
la mignestre e restà par chê dì tes scudielis come rescj di une fieste finide par simpri (Pieri Menis, Sul agâr);
la famee dai Citârs di Çurçuvint di Sore che, za tor il 1750 e fintremai il 1890 cirche, e lavorave la arzile cjolte tai boscs di Gjai e e faseve pignatis, scudielis, planelis, pilis, curnîs di cuadris e vie indevant (Marta Vezzi, Tornâ a cjapâ in man il cuet)
Cfr. cope1
, cjicare
, plat
, speche
-
ce che al è in chel contignidôr:
une tace di lat, un fregul di scuete, une scudiele di 'suf e finivin par cuietâlu (Arturo Feruglio, I stivâi di Zuan Batiste);
intant la viele, de stagnade grande come une cjampane, picjade sul cjadenaç parsore di un biel boreç di çocjis sul fogolâr, e gjavà une scudiele di brût di dindi, penç tant che il vueli (Pieri Menis, Il «pigjama»)
-
s.f.
(fig.)
cualsisei robe di forme plui o mancul semisferiche:
la cjase e jere un vêr palaçot. E veve il porton piturât di vert. I letons des maniliis e de scudiele dal campanel a lusivin di gnûf (Gianni Gregoricchio, Îr e doman)
Polirematichis e espressions idiomatichis
Proverbis:
- i fruts no disin papà biel e mame biele ma a cjalin se a 'nd è te scudiele
- i fruts no disin: pari biel, mari biele; ma: dami alc in te scudiele