Dizionari de Lenghe Furlane

glesie  /glé-/  gle|si|e  [FO]

1. s.f. comunitât religjose che e crôt in Crist (i derivâts tant che glesiute, glesione e v.i. a àn lis variantis gleseute, gleseone e v.i.):  la sô vitorie [di Crist] su la muart che e finìs cul jessi ancje la nestre vitorie su la muart. Par chel o fasìn fieste vuê, […] par chel la Glesie no cesse di celebrâ cheste gnot sante (Francesc Placerean, Crist resurît al colme dute la sperance dal om)
   Var. gleisie , glisie
2. s.f. edifici consacrât li che si davuelzin i rituâi des religjons cristianis:  la domenie le passave scuasi dut il dì in glesie a preâ (Pieri Somede dai Marcs, Caritât); la glesie de Plêf cul soreli sui cops e vignive fûr tal mieç des cjasis di Cente, come une clocje cul bec dal cjampanili par aiar (Dino Virgili, La aghe da pît la cleve)
   Sin. basiliche ipon. , capele ipon. , catedrâl ipon. , domo¹ ipon. , plêf ipon.
   Cfr. tor² , cjampanili , toresse , cjampane , altâr , cube , nâf , navade , côr¹ , abside , ludidôr , lobeâl , confessionari , sagrât , canoniche , oratori , parochie
3. s.f. implant dogmatic e struture organizative e jerarchiche de comunitât religjose cristiane:  la Glesie no po aprovâ cui che al si cjol la vite di bessôl (Josef Marchet, Lis predicjis dal muini)
   Cfr. pape² , gardenâl , arcivescul , vescul , plevan , predi , capelan , frari , muinie , muini
4. s.f. (iron.) grup di personis che a crodin in alc, che a àn une cierte ideologjie o maniere di pensâ:  lis riformis agrariis e sociâls par chei che e son jentrâts te glesie di Marx (Josef Marchet, La gnespule malmadure)

Polirematichis e espressions idiomatichis

• dî in glesie loc.v.

Proverbis:

• a son plui cjasis che no glesiis
• al fale ancje l'altâr sul predi cun dute la int plene di glesie
• bisugne lâ a messe là che e je la glesie
• cence bêçs no si sta ben nancje in glesie
• il mulin al è un bon cjamp e la glesie une grande famee
• la cjase di une femine oneste e je come une glesie
• la glesie e je simpri plui piçule dal tor
• no stâ fidâti di chei che a tirin jù i sants in glesie
• no stâ fidâti di cui che al è sant in glesie e diaul in cjase
• nol è ce fidâsi di cui che al è sant in glesie e diaul in cjase
• sant in glesie, diaul in cjase