côr1 côr [FO]
-
s.m.
[TS]
teatr.
grup di personis che a cjantin e che a puedin ancje balâ intune rapresentazion teatrâl, in origjin te comedie e te tragjedie greghe:
tal so repertori, la compagnie dal Ricci, rivade a Udin, e veve ancje une tragjedie dal Giusti, la "Irene", in 5 ats e cuntun côr di feminis (Bepi Agostinis, Storie e cronistorie dal teatri in Friûl)
- complès dai cjants e des coreografiis destinadis a chel grup di personis, ancje in gjenars teatrâi plui resints
- zone dal teatri destinade a chel grup di personis
- s.m. (fig.) complès di plui vôs che a fevelin, a cjantin o a zighin insiemi: a chês peraulis, un côr di vosutis al veve jemplât l'aiar e dutis lis creaturis dal bosc si jerin metudis a saltâ e a balâ pe contentece (Franca Mainardis, Un bosc cence colôrs)
- s.m. grup di plui cjantôrs, viôt corâl : il conciert di un côr di fruts di Triest (lis musichis di Mozart, Schubert, Brahms e altris a jerin plenis di impromissions) ur fasè capî che in chê sere i fruts a jerin stracs: e jere stade une zornade cjaldone, si jere ancjemò tal stofaç, si faseve fadie fintremai a movisi. Un frut dal côr si veve sintût mâl (Agnul di Spere, Zûcs di Istât)
- s.m. [TS] arch. part de abside destinade ai cjantôrs: i mobii a jerin di noglâr scûr e massîf, intaiâts e lavorâts come il côr de glesie di Sant Martin (Carlo Sgorlon, Ombris tal infinît)
- ducj a messe in côr no si po lâ
