Dizionari de Lenghe Furlane

altâr  al|târ  [FO]

1. s.m. intes glesiis cristianis, taule consacrade là che il predi al celebre la eucaristie:  a puartavin li, sul altâr, denant dal Crist, un biel ceri e tantis rosis (Dino Virgili, La aghe da pît la cleve)
   Var. ortâr
2. s.m. tes religjons antighis, lastre di clap là che si fasevin i sacrificis pe divinitât:  i atletis a zuravin di rispietâ lis regulis olimpichis daspò di vê sacrificât a Zeus sul altâr (Adrian Cescje, Viaç aes origjins dal Logos)
3. s.m. (fig.) idee o concezion invistide di sacralitât:  sul altâr dal interès primari dal Stât Nazion a son stâts sacrificâts i dirits fondamentâi di grandis fassis de popolazion (Sandri Carrozzo, La fin dal Stât Nazionâl jenfri ilegjitimitât, inutilitât e paradòs, tal spieli de ipotetiche Riforme Costituzionâl taliane dal 2016)

Proverbis:

• al fale ancje il predi sul altâr
• al fale ancje l'altâr sul predi
• al fale ancje l'altâr sul predi cun dute la int plene di glesie
• il prin flôr al altâr maiôr