predi
/-é-/
pre|di
[FO, TS]
-
s.m.
ecl.
ministri dal cult catolic:
il plevan al mande cualchi predi a dî messe a S. Pieri la domenie e cualchi rare volte in dîs di vore (Josef Marchet, Lis predicjis dal muini);
[il condanât a muart] al domande dal predi: «O ai di confessâmi, o vuei un predi!» (Alan Brusini, Par stradis lungjis);
un predi gji stava al flanc e la confuartava a murî cun pazienza e rassegnazion (Federigo Comelli, Il me paîs)
Var. preidi
, previt
, preve
, previdi
, prevet
, priedi
Cfr. plevan
, prevost
, curât
, capelan
, pre
, pari
-
ministri di altris glesiis cristianis
-
s.m.
[BF]
(impropr.)
cui al fâs la funzion di sacerdot ancje in religjons diviersis di chê cristiane:
i Ebreus, stiçâts dai predis e dai caporions dal popul a rivarin fint a domandâ al Caisar di Rome che ur al gjavàs dai tabars [Pilât] (Josef Cjargnel, La liende di Dimponç)
-
s.m.
[TS]
zoot.
cavalîr che nol è rivât a lâ in timp intal bosc e al fâs une galete difetose su la stuerie
-
s.m.
[TS]
entom.
inset cun alis lungjis, dispès cun riflès di colôrs, che al vîf dongje de aghe, dal gjenar Libellula
Sin. siôr
, svuarbevoi
, svuarbecjavai
Polirematichis e espressions idiomatichis
Proverbis:
- a vuelin dôs robis par fâ stâ ben une cjase: predi e purcit
- al fale ancje il predi sul altâr
- al fale ancje l'altâr sul predi
- al fale ancje l'altâr sul predi cun dute la int plene di glesie
- cui che al vûl stâ ben une dì, che al mangji ben; un mês, che si maridi; un an, che al maci il purcit; dute la vite, che al ledi predi
- cui che nol cjate donzelis al bale cun putanis e cui che nol cjate putanis al bale cun massariis di predi
- di bevi al predi che il cleric al à sêt
- doi neris a fasin stâ ben la famee: predi e purcit
- i bêçs dai predis a vegnin cjantant e a van vie sivilant
- il predi al mangje la crodiuce
- il predi in miezore al vuadagne la zornade
- il puar al mûr passût, il siôr di fam, il predi di frêt
- la mari dai predis no je mai muarte
- lagrimis di predi e sudôr di stradin, nissun no ju à mai viodûts
- miôr i çafs daûr che no i predis denant
- par fâ il predi al covente: orele di marcjadant, bocje di purcit e schene di mus
- predis e pastôrs no contentin mai ducj
- se il matrimoni al fos stât un bon sacrament, sal saressin tignût i predis
- vuarditi de colure des feminis e dai predis