Dizionari de Lenghe Furlane

curât  cu|rât  [AF]

1. p.pass., adi. viôt curâ , viôt curâsi :  al voleve lavâsi lis mans dal sanc di ferîts e muribonts curâts ta chê dì (Checo Tam, La trombe)
   Cfr. medeât , vuarît
   
   1. di robe di mangjâ, che i è za stât gjavât ce che al è scart:  siore Anute no si dismenteave di jemplâ la cassele de sente cun cualchi poleç za ben curât, cun cualchi boçon di vin e lis pomis promiediis dal bearç (Maria Forte, Cjase di Dalban)
      Sin. net , netât
2. adi. che al viôt dal so aspiet e des formis cun atenzion e elegance o che al è caraterizât di netisie e ordin:  par altri a jerin ducj conts. Int curade e ben vistude (Alan Brusini, Chei de vuere dal '15); il so mût di vistîsi, i cjavei, lis mostacjis e la barbe no curâts, lu fasevin someâ une vore plui vecjo di chel che al jere (Angelo Covazzi, Il papîr)
   Sin. fin¹ , finet , elegant
   
   1. che al à precision, netisie, elegance o che al mostre o che al è fat cun precision:  [un libri] ben fat, une vore curât a nivel grafic e ilustratîf (Fabian Ros, Publicât un cors di furlan); la sielte dai vocabui e je un grum curade (Maurizio Biasizzo, L'ultin omaç al Friûl)
      Sin. detaiât , diligjent , minût , profont , fin¹ , atent
3. s.m. predi che al viôt de cure de anime dai fedêi intune parochie:  lu à fat ancje benedî, chel sacut schinchinît, a ogni aniversari in glesie, come che i à racomandât il curât (Franco Marchetta, Madalene)

Proverbis:

• un reume mâl curât al mene intal sagrât