cjampane
/-pà-/
cjam|pa|ne
[FO]
-
s.f.
strument, spec. di bronç, a forme di vâs ribaltât, sunât cuntun batali o cuntune mace, tipic soredut dai tors des glesiis:
a pene che nô mularie o sintivin la cjampane di dutrine, vie di corse in glesie par confessâsi (Lucio Perès, Vilie di fieste);
par ogni cjase e svintulave une bandiere; lis cjampanis moladis a plen a sunavin in dopli… la Bande si sfladave (Pieri Somede dai Marcs, 11 di Fevrâr 1929);
a saludâ chê albe, clare come un voli di uciel, la prime e je stade la cjampane di Mont di Buie, chê che e mandave simpri vie la tampieste, e subit i à dât sot chê di Bueriis che al pareve che e sunàs propit li dabàs, platade te torbere, sot dal linzûl blanc de fumate basse (Pieri Menis, Il cuader de none);
la cjampane grande dal tor, sù in alt, e sunave la avemarie e une vongule di pâs e involuçave i mûrs de canoniche, tal scurut de sere (Pieri Somede dai Marcs, Ta la ombrene de canoniche)
Cfr. cjâf
, bocje
, batude
, orli
, mantie
, çoc
, asule
, batocj
, banducel
, glon
, glongjâ
, sglinghinâ
, sunâ dopli
, sunâ in dopli
, sunâ ad in dopli
, sunâ parie
, sunâ misdì
, sunâ la avemarie
, sunâ madins
, sunâ di muart
, sunâ pal fûc
, sunâ pe tampieste
, scampanotâ
, scampanotadôr
-
s.f.
(fig.)
ce che si sint a dî, informazion, version di cemût che al è sucedût alc:
spiete prime di judicâ, no tu puedis sintî dome une cjampane;
se o savessis, ce cjampanis che a sunin sun jê! (Anute Fabris, A passe la scalmane);
dome sui fruts lis cjampanis no sunavin ben e a rivavin, di pueste, dopo lis bielis novitâts. I fruts no jerin propit taiâts su la lune dai libris! Ducj i doi impastâts cu la stesse malevoie, che i vignive rabie di sei lôr pari (Maria Forte, La tiere di Lansing)
-
s.f.
robe che e à une forme di cjampane:
da cjâf dal fûc, sot la cjampane nere dal fogolâr, al jere il «trono» dal pari di famee, in cjase di mê mari: un cjadreon cui braçâi e cuntun cûr intaiât te bree dal schenâl (Pieri Menis, Il «trono» dal von)
-
s.f.
schermi in forme di cjampane che al fâs che la lûs di une flame, di une lampade, di une lampadine e v.i. e sedi mancul fuarte e plui difondude:
la cjampane de lum
Sin. parelum
Polirematichis e espressions idiomatichis
Proverbis:
- a vuelin dôs cjampanis par sunâ parie
- cuant che al sune il campanel, lis cjampanis a àn sunât
- cuant che lis cjampanis piçulis a sunin, lis grandis a àn sunât
- cuntune cjampane no si sune parie
- dulà che a son cjampanis a son ancje putanis
- la fiere terçane il zovin lu risane e al vieli i fâs sunâ la cjampane
- la tos paiane o che e risane o che e sune la cjampane
- tal sun si cognòs lis cjampanis
- un glon di cjampane al paie ducj