sglinghinâ
sglin|ghi|nâ
[AF]
-
v.intr.
fâ un sun curt e acût, pal solit ripetût, tipic di materiâi tant che metal, veri, crep:
al vierzè une puarte a veris, che e fasè sglinghinâ cuatri cinc voltis un campanel (Carlo Sgorlon, Prime di sere);
cu la man te sachete dai bregons a fasevin sglinghinâ une sgrafe di palanchis e carantans (Pieri Menis, Une cotule pal dì de sagre);
Gretchen e puartave la bire balinant come un pirli: i bocâi a sglinghinavin su la guantiere (Dino Virgili, La aghe da pît la cleve)
Sin. cinghinâ
, dindinâ
Var. sglindinâ
, sghinghinâ
, sglinghignâ
-
v.tr.
fâ fâ un sun curt, acût e ripetût:
cuasi cence movisi e sglinghinà un campanel di arint che al jere su la taule (Pieri Menis, La maghe no fale)